* Li Erdîş ku warê keleman ê herêmê bû, niha ji ber krîza aborî, bihabûna fiyetên mazot û gubre welatî nikarin erdê xwe biçînin. Cotkar Şahabettîn Işik, bilêv kir ku li navçeyê 80 ji sedî yê cotkaran hew vî karî dikin. 

 

* Dengbêj Mûkaddes Yildirim ku dema 12 salî bû bi zilamekî 54 salî û du caran zewicîbûye bi darê zorê hatiye zewicandin, niha bi kilaman êş û kilan êşa kişandiye bilêv dike û hewl dide li ser piya bisekine. Yildirim ku ji xwe re dibêje "ez derdbêj im", dixwaze çanda dengbêjiyê bidome. 

 

 * Hikûmeta Navendî ya Iraqê, dixwaze statuya Herêma Kurdistanê biguherîne daxe asta statuya valîtiyên bajaran. Îran û Tirkiye jî piştgiriyê dide vê projeya Iraqê. KDP û YNK jî hêj xwe ji nava nakokiyên xwe yên navxweşî rizgar nake.

 

 

* Piştî Bendava Ilisûyê av girt, tevî hin mezrik û gundan bi hezaran donim erd jî di bin avê de man. Hat diyarkirin ku di salên 90'î de bi hinceta ewlehiy gund dihatin valakirin, lê belê niha jî ji ber bendavan gund tên valkirin û wiha hat gotin: "Paşeroja me di bin avê de hiştin." 

 

* Cebraîl Ancar ku di Girtîgeha Tîpa T a Îskenderûnê de ye, ji ber binpêkirinên mafan bi rêya ÎHD'ê serî li dozgeriyê dabû, lê belê dozgeriyê derbarê serlêdana wî de biryara neşopandinê da. Her wiha ji bo betalkirina biryarê jî serî li Dadgeriya Cezayê Sulhê hatibû dayîn, lê belê dadgeriyê jî îtiraz red kir. Parêzer Mehtap Sert, got ew ê serî li AYM'ê bidin. 

 

* Serokên giştî yên partiyên kurdan, bal kişandin ser operasyona derveyî sînor û gotin, di vir de tenê armanceke Tirkiyeyê heye ew jî ew e ku li çar perçeyan gelê kurd bîne ser çokan. Serokên partiyan, bang li her kesî kirin ku li dijî van operasyonan derkevin. 

 

* Mezopotamya Sînema, ragihand ku ew ê di 4 waran de atolyeyên sînemayê veke û ji bo atolyeyan qeyd dest pê kirine. Wê atolye di 15'ê Cotmehê de dest pê bikin. 

 

* Şaredariya Gêlê, her çend budçeya wê tune ye jî xizmetê dike û rêya hin gundên ku rêya wan tune bû çê kir. Hevşaredar Mûstafa Akkûl, diyar kir ku ew cenazeyan di romorka traktorê de dibin û vedişêrin û got: "Me ji Şaredariya Bajarê Mezin a Amedê wesayît xwestin, lê belê neda." 

 

* Hevşaredarên Şaredariya Êlihê Songul Korkmaz û Mehmet Demîr, di pêvajoya hilbijartinê de soz dabûn ku gava ew bên hilbijartin ew ê Sînemaya Yilmaz Guney çê bikin. Lê belê ji ber kêmbûna budçeya şaredariyê, wê avahiya sînemayê di sala 2020'î de bê çêkirin.

 

* Yasîn K., Îsmaîl D. û Firat E. ku ji ber ji kar hatin avêtin û ji bo li ber avahiya AKP'a Amedê çalakiya rûniştinê li dar bixin, ji bo destûrê serî li Walîtiya Amedê dabûn. Walîtiyê, serlêdana kesên navbirî da û got: "Li gor qanûna bingehîn sûc e." Ev helwest nîşan dide ku walîtî bi awayekî aşkere destekê dide çalakiya li ber avahiya HDP'ê ku 25 roj in didome. 

 

*Danişîna doza Hevseroka Giştî ya HDP'ê ya berê Fîgen Yuksekdag ê jê girtiye, wê li Kampusa Girtîgehê ya Sîncanê  bê dîtin. (10.00)

 

*Hevberdevkê HDP'ê Gunay Kubîlay, li Navenda Giştî ya Partiyê wê derbarê rojevên heyî de civîna çapemeniyê li dar bixe. (11.00)

 

* Çalakiyên Nobeta Demokrasiyê yên li dijî qeyûmên tayînê şaredariyên HDP'ê hatin kirin dest pê kir, wê li Amed, Mêrdîn û Wanê di roja 40'an de û li Îzmîr û Stenbolê jî di roja 3'yan de dewam bikin. (11.00 - 20.00) 

 

*Endamên Konseya Navendî ya Yekitiya Bijîjkên Tirk a Odeya Bijîjkên Amedê, wê derbarê tayînkirina qeyûman de li avahiya odyê civîna çapemeniyê li dar bixe. (12.00)

 

*Platforma Jinan a Dîcle Amed, li ber Nexweşxaneya Dewletê ya  Selahattîn Eyyûbî wê li dijî tundiya li ser jinê daxuyanî bide çapemeniyê.  (12.30)

 

*Nivîskar Adîl Okay, darbarê pirtûkên xwe yên hatine qedexekirin de wê li Şaxa Komeleya Mafê Mirovan (ÎHD) ya Mêrsînê daxuyanî bide çapemeniyê. (12.30)

 

*Baroya Amedê, ji bo kujerên Serokê Baroya Amedê yê berê Tahîr Elçî bên dîtin û darizandin wê di hefteya 195'an de çalakiya xwe ya edaletê berdewam bikin. (13.30)