ŞIRNEX - Danişîna doz rojnameger Ziya Ataman ê 3 salin girtiye û kesên bi wî re tên darizandin, hat dîtin û dadger ji bo biryara bide navber da. Dadgehê di danişînê de, îfadeyên şahidan ên dibin îşkenceyê de dayîn, ji nedîve hat.
12’emîn danişîna doza darizandina nûçegihanê Ajansa Nûçeyan a Dîcleyê (DÎHA) a bi Biryarnameya Hukmê Qanûnê (KHK) hat girtin Ziya Ataman ê ji 11’ê Nîsana 2016’an ve girtiye û 10 jê girtî 21 kesan li 1’emîn Dadgeha Cezayê Giran a Şirnexê hat dîtin. Parêzer, malbatên girtiyan û rêxistinên rojnameger di danişînê de amade bûn.
‘EM MEXDÛR BÛN BÛN BERSÛC’
Piştî danasîna nasnameyan, danişînê dest pê kir. Girtiyan li dijî mutalaaya dozger a cezayê muebata giran derbarê wan de tê, xwestin parastin kirin. Ji girtiyan Bengî Ataman, diyar kir ku ew di bûyerên hatin jiyîn de mexdûr bû, lê di dozê de bûn bersûc. Girtî Harûn Ataman jî, anî ziman ku wî dibin îşkenceyê de îfade daye û ew îfadeyê xwe paşve dikişîne. Ataman dûre, beraeta xwe xwest. Girtiyan din jî, dan zanîn ku tu delîlên şênber derbarê wan de nehatine dîtin.
‘GELO ÇIMA TENÊ 8-9 KES TÊN DARIZANDIN?’
Rojnameger Ziya Ataman ê bi Kurdî parastina xwe kir, wiha axivî: “Ez parastinên xwe yên berê dubare dikim. Îfadeyên derbarê min de hatine dayîn, dibin îşkencê de hatine dayîn. Behsa lênûskeke navê min tê de heyî tê kirin. Di heman demê navê 400-500 kesan hene. Gelo çima tenê em 8-9 kes tên darizandin? Ev demek dirêje ez girtîme û ji ber vê yekê bi nexweşiyên cuda ketim. Ez beraet û tehliya xwe dixwazim.”
ŞAHID Û BERSÛC ATAMAN: JI BÎRA MIN NAÇE
Dûre hem şahid û hem jî bersûc Kadir Ataman ê girtî jî, parastin kir û wiha got: “Min dibin îşkeceyê de, evraqê ji bo min hat dayîn îmze kir. Ji ber vê yekê ez ji xwe pir şerim dikim. Ez nikarim li rûyê van kesan mêze bikim. Wijdana min qet ne rehete. Îfadeyên min dibin îşkenceyê de dayîn ez qebûl nakim.”
Ji Komeleya Xebatên Medya û Hiqûqê Parêzer Zelal Dogan jî, diyar kir ku Ataman rojnamegere û wiha parastin kir: “Ev dosya tenê ji gote gotan û lênûskekê pêk tê.” Parêzer Mucahît Dursûn jî, li ser lênûskekê ev dosya hatiye vekirin û ev ne hiqûqiye.
Dursun, di dawiyê de xwest ku bersûc û şahid Kadir Ataman bi polîsên îfadeyên wî girtin re bên beramberî hev.
Şandeya dadgehê piştî parastina parêzeran, ji bo biryar bide navber da danişînê.