MÊRDÎN – Çawişê pispor Okan Arinan ê di 17'ê mijdarê de li Navçeya Nisêbînê jiyana xwe ji dest dabû, bi awayek bêdeng spartin axê. Sîteyên herêmî yên di serî de Arinan “şehît” îlan kirin piştre gotin jiyana xwe ji dest daye. Derbarê merasîma cenazeya Arinan de jî tenê ji aliyê serokê AKP’ê ve wêne hatin parvekirin. 

 

Çawişê pispor Okan Arînan ê di 17'ê mijdarê de li çoltara Nisêbînê ya Mêrdînê jiyana xwe ji dest da, cenazeyê wî di 19’ê mijdarê de li mizgefta Beyazit a taxa Yeşiltepeya navçeya Tepebaşi ya Eskişehirê bêdeng hat veşartin. 

 

TU RAYEDARAN DENG DERNEXIST 

 

Derbarê mirina Arinan de Serfermandariya Leşkerî ya Tirkiyeyê, Wezareta Parastinê ya Fermî û walitiyên têkildar, tu daxuyanî nedan. Walitiya Mêrdînê jî tenê ragihand ku di 17’ê mijdarê de operasyon hatiye dest pê kirin û di operasyonan de gelek muhimmat hatine bidestxistin. 

 

SÎTEYÊN HERÊMÎ: ŞEHÎT KET  

 

Dîsa Ajansa Anadoluyê (AA) û çapemeniya netewî jî li ser bûyerê tu nûçe çênekirin. Tenê sîteyên herêmî yên li Eskişehirê derbarê Arinan de nûçeyên kurt çêkirin û gotin Arinan şehit ketiye. Her wiha li ser hin hesabên twitterê jî parvekirinên derbarê mirina Arinan de hatin parvekirin. Di nûçeyên ku sedema mirina Arinan wek pevçûn aşkere dikirin de ev agahî hatin parvekirin: “Çawişê pispor ê bi navê Okan Arinan ê ji Eskişehirê ye di pevçûneke li Nisêbîna Mêrdînê qewimî de şehît ket. Em sersaxî ji malbata şehîdê xwe re dixwazin.” Hin sîteyên herêmî jî derbarê bûyerê de nûçeyek bi vî awayî çêkir: “Çawişê pispor ê bi navê Okan Arinan ê di sala 1992’an de hat dinê û navê diya wî Nuran e li Mêrdînê vefat kir. Dê cenazeya wî li mizgefta Beyazitê ya navçeya Yeşiltepeyê were veşartin. Dê ji taxên Mihalgazî û Bozaniçê di sat 11’an de wesayît rabin. Xwedê rehma xwe lê bike.”

 

SÎTEYÊN NÛÇE ÇÊKİRİN DI MERASÎ MÊ DE TUNE BÛN!

 

Hin sîteyên ku derbarê mirina Arinan de nûçe çêkirin û beşdarî cenazeya wî nebûn ev in:

 

“http://www.eskisehir.net/Haber/HaberDetay/15139,  

 

http://www.esgundem26.com/guncel/eskisehir-e-sehit-atesi-dustu-h11230.html, 

 

http://www.anadolugazetesi.com/eskisehirli-uzman-cavus-mardin-de-vefat-etti-75609.html, 

 

http://www.sanalbasin.com/sehit-atesi-eskisehire-dustu-aci-haber-22231189,  

 

http://www.anadolugazetesi.com/eskisehirli-uzman-cavus-mardin-de-vefat-etti-75609.html,

 

http://eskisehirdenhaberler.com/2017/11/17/eskisehirin-sehidi-var/, 

 

http://www.eskisehirgundem.com/?sec=1&newscatid=1&newsid=122988, 

 

 http://www.haberci26.com/sehit-atesi-eskisehire-dustu/3626/, 

 

http://www.eskisehir.media/Haberler/Detay/4976/sehit-atesi-eskisehire-dustu”

 

 

 DI SERÎ DE GOTIN “ŞEHÎT” PIŞTRE GOTIN ‘VEFAT’ KIRIYE

 

Hin siteyên ku gotibûn Arinan di pevçûnê de jiyana xwe ji dest daye piştî demekê nûçeyên xwe li ser lînkan rakirin. Sîteya bi navê “http://www.ajans26.com” ku ji Eskişehirê weşanê dike jî ji van yek e. 

Sîteyê li ser lînka “http://www.ajans26.com/404.html” nûçe parve kir lê belê piştî demekê nûçe rakir. 

Her wiha hin siteyên ku di serî de Arinan re gotibûn “şehît” jî piştî demekê gotin “vefat” kiriye. 

 

SEROKÊ YEKITIYA KEYAYAN SÎTEYA XWE GIRT

 

Derbarê mirina Arinan de Serokê Komelaya Yekitiya Keyayên Taxan a Eskişehirê û keyaya taxa Hoşnudiyeyê Figen REnçber jî li ser hesabê xwe yê medyaya civakî hin parvekirin parve kirin. Rençber a li ser hesabê xwe yê Facebookê mirina Arinan daxuya kiribû piştî demeke kurt rûpela xwe temamî girt. 

 

SEROKÊ TEPEBAŞI YÊ AKP’Ê BEŞDARÎ MERASÎMÊ BÛ

 

Derbarê merasîma veşartina cenazeyê Arinan de tenê ji aliyê Serokê Tepebaşiyê ya AKP’ê Ibrahîm Yilmaz Kaynarca wêne hatin parvekirin. Kaynarca di hesabê xwe yê twitterê de (https://twitter.com/ak_fatih26) ev şîrove kirin: “Em beşdarî cenazeya çawişê pispor Okan Arinan bûn. Xwedê rihma xwe lê bike.”

 

Her wiha sîteya fermî ya Eskişehirsporê jî bi têkildarî bûyerê parvekirinek bertekê bi xwînerên xwe re parve kir. 

 

EV NE YEKEMÎN E!

 

Li herêma Besta ya Şirnexê jî di 9’ê Kewçerê de pevçûn derketibû û çawişê pispor ê bi navê Mehmet Can jiyana xwe ji dest dabû. Can bi awayek veşartî li Arnavutkoyê ya Stenbolê hatibû veşartin. Ji bo Can tu nûçe nehatibûn çêkirin û rayedaran ji Can re gotibû kurê we întixar kiriye. 

 

 MA / Gokhan Altay