Rûniştina Mafê Mirovan a 42’yemîn a Konseya Mafê Mirovan a Neteweyên Yekbûyî (NY) li bajarê Cenevre ya Îsvîçre dewam dike. Di roniştina îro de, dewletan û saziyên civaka sivîl Tirkiyeyê rexne kirin. Nûnerê dewleta Sûriyeyê, polîtîkayên Tirkiyeyê yên li dijî Sûriyeyê rexne kir û got: “Tirkiyey destûr dide terorîstan ku bikevin Sûriyeyê û Tirkiye bixwe piştgiriyê dide van komên terorîst.” 

 

Îzlandayê jî, êrîşên Tirkiyeyê yên li ser beşesên muxalîv û çapemeniyê rexne klir û bang li Tirkiyeyê kir ku rêzê bide mafê mirovan. 

 

Tevgera Dijberî Nijadperistî û Piştevaniya Dinavbera Gelan (MRAP) jî, 28 kesên di 18’ê Gulana 2019’an de li Xelfetê hatin binçavkirin û 12 rojan rastî îşkenceyê hatin, anî rojevê. Mehmet Îlkhan li ser navê MRAP’ê axivî û diyar kir ku li Tirkiyeyê, bi taybetî medya û beşên polîtîk ên muxalîf rastî zextan tÊn. Îlkhan, bal kişand ser polîtîkayên li Tirkiyeyê û wiha got: “Herê zêde HDP û bi taybetî jî  Başûre Rojhilatê Tirkiyeyê ji van zext û polîtîkan bi bandor dibin. Di 18’ê Gulanê de li Xelfetê bûyerek îşkenceyê hat jiyîn û îşkenceyên mîna vê bûyerê li Tirkiyeyê zêdetir dibin. Qeyûma tayînê Şaredariyên Bajarên Mezin ên Amed, Wan û Mêrdînê hatin kirin. Hevşaredar ji peywirê girtin. Kesên bertek nîşanî vê yekê dan hatin binçavkirin û girtin. Di heman demê de  rasstî tundiyê, derp û îşkencê hatin.”

 

MA / Ruştu Demîrkaya