Niqaşên der barê darizandina Karsaz Reza Zarrab yê ji sucdariya “Nelirêtî, pere revandiye û xerakirina ambargoya Îranê" tê darizandin didome. Der barê dosyaya Reza Zarrab de pêşketinên nû derdikevin holê. Di rûniştina doza duh li Dadgeha Herêma New Yorkê hat dîtin de hat zelalkirin ku dê Reza Zarrab weki bersûc tev li dozê nebe. Di dozê de Richard Berman li salonê daxuyani da û diyar kir di vê dozê de tenê welatiyê Tirkiye Mehmet Hakan Atilla dê wekî bersûc bê darizandin. Ev daxuyanî wekî ku Zarrab îtîrafkar e û bi dozger de di nava hevkariyê de ye hat fam kirin. 

 

Têkildarî dozê Rojnameger Îlhan Tanir yê dozê li DYA'yê dişopîne ji Ajansa Mezopotamya  re axivî. Tanir, diyar kir ku hêj tam ne zelal e ku Zarrab îtîrafkar e ya na û wiha got: "Ger ku Zarrab bibe îtîrafkar doz dê ji nûve bi wate bibe. Lê ger ku Zarrab di elehê Atilla de şahidiyê qebûl neke dê wî tev li dozê nekin. Gelek agahiyên girîng dane. Ev agahî xuya ye ku dê veşartî bên hiştin. Dê li ser îfadeyên wî îdîanameyên nû bên amadekirin." 

 

Tanir, bal kişand pergala darizandina DYA û hilbijartina jurî û wiha got: “Doz dê li New Yorkê bê dîtin. 12 endamên jûrî dê bên hilbijartin. Li bendê ye heta çarşemê ev mijar bi dawî bibe. Li DYA'yê divê di dawetiyên hilbijartina jûrî de mecbûrî bersîv bê dayîn."

 

Tanir, destnîşan kir ku doza Zarrab bi qasî di rojava Tirkiye de mijara niqaşê ye li DYA jî mijara niqaşê ye û bandor dike. Tanır, anî ziman herî dawî ji ber Serokomar Erdogan û AKP’ê DYA kir hedef bû mijara hiqaşan û wiha got: "Rojnameyên navdar ên DYA ji nêzîk ve vê dozê dişopînin. Çapemenî ji nêzîk ve dişopîne. Gelek çapemeniyên ji welatên derve hatine jî hene. 

 

Tanir, anî ziman ku heta niha 4 îdîaname hatin amadekirin û wiha got: "Heta niha 2 hezar rûpel îdîaname hatiye amadekirin. Di navbera 2010-2015'an de Zarrab ambargoya DYA ya li ser Îranê xera kir ya na? Dema ev yek pêk anî bangayên pergala DYA' xist meriyetê ya na? Pereyên ji petrol û gaza ji Îranê hat çi kir? Ger ku Zarrab bibe îtîrafkar û agahiyên nû bide divê Daraza DYA van agahiyan teyît bike. 

 

Tanir, da zanîn ku der barê îdîayên ku bersûcên nû hene jî wekî "Şahıs 1" hatiye kodkirin û dibe ku ji bilî Zarrab kesekî din be. 

 

DIBE KU BERAAT ALBAYRAK Û BÎLAL ERDOGAN JÎ BÊN DARIZANDIN

 

Tanir, destnîşan kir ku doz heta rêveberên herî jor yên AKP’ê Beraat Albayrak û Bilal Erdogan jî dibe ku belav bibe û wiha got: "Dibe ku ji bilî tiştên li bendê ne peşketinên nû pêk bên. Ger ku Zarrab bi dozger re têkeve nava hevkariyê wê deme dê tiştên nû bên dîtin. Lê ger ku Zarrab der barê rayedarên Halk Bankayê de bi axive dê agahiyên nû pêş bikevin." 

 

MA / Kenan Kirkaya