Lijnemay Rêveberiya Navendî (MYK) ya Partiya Demokratîk a Gelan (HDP) der barê qetilkirina Serokê Baroya Amedê Tahîr Elçî de daxuyaniyek nivîskî weşand. Daxuyaniya bi sernavê "Em ê nehêlin kuştina Tahîr Elçî wekî mijareke nepenî bimîne" û ev tişt hat gotin: "Serokê Baroya Amedê Tahîr Elçî di salên 1990'î de hemû kuştinên bê darêz, valakirina gundan û înfazên bê darêz dişopand. Elçî di 28'ê Mijdara 2015'an de li navçeya Sûrê dema qedexeya derketina derve dewam dikir, ji bo nirxên çand û dîrokê biparêze daxuyanî dida çapemeniyê û li ber Mînareya Çar Ling hat qetilkirin."

 

Daxuyaniya HDP'ê wiha ye:

 

"Li ser qetilkirina Elçî re 2 sal derbas bû. Elçî her dem bi wêrekî li pey tiştên difikirî û bawer dikir diçû. Ew her dem parastvanê mafên mirovan bû, berdin kesên ku Elçî kuştin bên darizandin, der barê van kesan de lêkolîn û tespît jî nehatin kirin. Niha li holê kesê bi fikar tune, ne gule û ne jî dîmenên dema kuştinê li dosyaya lêpirsînê nehatin barkirin. Kuçeya Yenîkapiyê ya ku Elçî lê hat qetilkirin, gelek polîs lê hebûn û di dema şer de çeka van polîsan diteqe, lê guleya yek polîsî jî li dosyayê nehat zêdekirin. Dîmenên dema qetilkirinê ji hêla kamerayên kargehan ên herêmê û polîsan ve hatine kişandin, lê hêj dîmen li dosyayê nehatine barkirin.

 

Nêzikatiya rayedarên desthilatdariyê îro li dijî kuştina Elçî çi be, nêzikatiya rayedarên berê yên ji kuştinên faîlên wan ne diyar berpirsyar jî heman tişt e. Nav, wezîr û hikumet guherîbin jî, helwesta di van dozan de derdikeve pêş jî eynî ye û ev bê wijdanî ye.

 

‘LÊPIRSÎN DI ÇI ASTÊ DE YE?’ 

 

Wekîla HDP'ê ya Amedê Feleknas Uca jî bal kişand ser lêpirsîna der barê kuştina Elçî û xwest civak pê bizane ka lêpirsîn di çi astê de ye. Ji bo Wezîrê Edaletê Abdulhamît Gul bibersivîne, pirsname da Serokê Meclisê.

 

Uca, der barê mijarê de ji bo Wezîr Gul bibersivîne ev pirs kirin:  

 

“- Lêpirsîna der barê kuştina Tahîr Elçî de di çi astê de ye? Hêj li holê yek berpirsyar tune, sedema vê çî ye?

 

- Kesê li Elçî da, her çendî di Kuçeya Yenîkapiyê de be jî û di vê kuçeyê de bi dehan polîs jî hene û gelek ji van xwedî çekin û çek dane xebatê, hêj di dosyayê de wekî kesê bi fikar navê yek polîsî cih negirtiye û sedema vê çî ye?

 

* Sedema nedîtina dendika guleya li Elçî ket çi ye? Li cihê bûyerê çima tespît û berhevkirina delîlan nehat kirin? 

 

* Ew gule ji çeka kî derketin û ew kes kî ne. Ji kî ferman girtin çima delîl tên reşkirin? 

 

* Beriya dendika guleyê winda bibe çima Serdozgeriya Komarê ya Amedê bi demildest cihê bûyerê hilneda bin paratinê? Bi heman rengî çima dozger dest danenî ser çekên 30 polîsên li cihê bûyerê û di lêkolîna krîmînal de derbas nekir? 

 

* Gule li ku û ji kîjan alî ve li Elçî ket û çima hêj nehatiye tespîtkirin? Piştî bûyerê demildest li kolana bûyerê ragihandina qedexeya derketina derve tesadûfî ye gelo? 

 

* Îdiaya lêzedekirina rapora Saziya Tiba Edlî ya li dosyeyê zor e gelo û ev yek rast e? Çima cûreyê guleyê û mesafeya hatina guleyê nehatiye tespîtkirin? 

 

* Çima dîmenên kamerayan li holê tune ne? 

 

* Li gel dîmenên 13 saniyeya yên kameraya polîsan nayê tespîtkirin û sedema dest danîne ser kamera û kartê wê çi ye? 

 

* Di dîmenên kamera polîs de ku kêliya gule li Elçî dikeve hatine birîn û montajkirin? Şandina van dîmenan a ji bo TUBÎTAK Û ATK’yê ku asteng dikin kî ne? 

 

* Dîmenên kargeha Mardîn Kebapevî ya ku cihê bûyerê nîşan didin çima li holê tune ne? 

 

* Di der barê polîsên li cihê bûyerê lêpirsîn hatibû vekirin û ev lêpirsîn di çi astê de ye? Çima ev yek ji parêzerên Elçî û raya giştî tê veşartin. Ew polîs hatine îxrackirin? 

 

* Çima daxwaza hevjîna Elçî, Turkan Elçî yên der barê bûyerê de nayên cih? 

 

* Ji bo bûyera Elçî ronî bibe di du salên dawî de wezareta xebatek çawa da meşandin? Ji niha şûn ve wezaret ji bo ronîkirina bûyerê û dîtina kujeran xebatek dide meşandin?