STENBOL - Seroka TKDF'ê Canan Gullu, bal kişand ser îstismarkirina zarokên ku li Umraniyeyê li kruseke Qur'anê hatin îstsimarkirin û got: "Li van weqfan dîn, di ser zarokan re wekî amûreke tirsê tê bikaranîn."
Li Umraniyeya Stenbolê, derket holê ku di 1'ê Îlonê de li kurseke Qur'anê ya Komeleya Lêkolînên Fiqihê (Fikih-Der), 6 xwendekar hatine îstismarkirin. Piştî malbat hay ji bûyerê ç ê bûn serî li Dozgeriya Komarê ya Anadolûyê dan. Piştî gilîkirinê lêpirsîn hat destpêkirin û avakarên komeleyê jî di nav de 3 kes hatin girtin.
Seroka Federasyona Komeleyên Jina ya Tirkiyeyê (TKDF) Canan Gullu, anî ziman ku terîqat dîn bi kar tînin û zarokan îstismar dikin û got: "Li van weqfan dîn di ser zarokan re wekî amûreke tirsê tê bikaranîn. Bi gotinên bi hevoka 'eger hûn bêjin' dest pê dikin ji zarokan re dibêjin 'wê Xwedê dê û bavên we bikuje' û bi vî awayî tirsê empozeyî zarokan dikin." Gullu, anî ziman ku li komeleyên bi vî rengî piranî kesên temenê wan 55-60 sal in zarokan îstismar dikin û got: "Em dibînin ku li dibistanên leyl, l kursan zarokên kur tên îstsimarkirin. Ev tişt nîşan didin ku zarok di bin navî dîn de tên îstîsmarkirin."
‘WEZARET VAN KURSAN KONTROL NAKE'
Gullu, destnîşan kir ku divê Serokatiya Karên Diyanetê bê lêpirsînkirin û tu mekanîzmayeke wezaretê ya ku van kursan kontrol bike tune ye. Gullu, bilêv kir ku ji bo vê mijarê tu polîtîkayeke hikûmetê jî tune ye û got: "Li van terîqetan zarok bia wayekî sîstematîk tên îstismarkirin. Wezîrekî berê gotibû 'tiştek ji carekê dernakeve.' Piştî bûyera îstsimara zayendî ya li Weqfa Ensarê, diviya Wezareta Perwerdehiyê pêwendiya xwe ji deverên bi vî rengî qut bikirana. Lê belê wezaretê erkên wan zêdetir kir û protokol îmze kirin. Ji hêla şaredariyan ve destekirina van weqfan dibe sedem zêdebûna îstismarkirina zarokan."
Hevberdevka Kongreya Demokratîk a Gelan (HDK) Gulîstan koçyîgît jî destnîşan kir ku hikûmet ji van kurs, weqf û cemaetan nerihet nabe û got: "Tenê xemek wan heye, ew jî ew e ku ev îstismar dernekevin holê. Ev bûyera dawî jî nîşan dide ku bê kursên Qur'anê çawa veguherîne warê îstsimarkirinê. Civakeke paşverû diafirînin. Çid ibe bila bieb divê em vê yekê qebûl nekin. AKP, hêdî hêdî welat dirizîne. Di bin navê dîn de îstismarkirinê rewa dikin."
‘PEYMANA STENBOLÊ PÊK BÎNIN'
Koçyîgît, detsnîşan kir ku divê îstismarkirin û şideta li ser zarok û jinan bê astengkirin û got: "Ev pirgsirêk êdî evguherîne rewşeke rûtîn û bi destê AKP'ê bûne tiştên asayî. Eger bi rastî jî hikûmeta AKP'ê dixwaze rê li ber îstismarkirina zarok û jinan bigire, nexwe divê Peymana Stenbolê û Qanûna Jimare 6284'an pêk bîne." Koçyîgît, got ji bo îstismarkirina zarok û jinan bi dawî bibe, divê her kes bia wayekî rêxistinbûyî tev bigere û bitêkoşe.