AMED - Nobeta Demokrasiyê ya li dijî tayînkirina qeyûman li Amedê di roja 22'an de berdewam kir. Wekîlê Serokê Koma HDP'ê Saruhan Oluç, bal kişand ser malbatên ku li ber avahiya HDP'ê ya Amedê rûniştine û got: “Operasyona aqilekî ava bikin heye. Ev sûcê giran dikin. Êş û hestê dayikan dikin maşik û li ser wan hebûna xwe pêş dixin. Em bang li hemû malbatan dikin ku em bi hevre pirsgirêkê çareser bikin. "
Di 19'ê Tebaxê de Wezîrê Karên Hundir Suleylan Soylu qeyûm tayînî Şaredariyên HDP'ê yên Amed Wan û Mêrdînê kiribû. Bertek û nerazibûnên li dijî tayînkirina qeyûman her roj bi çalakiyan didome. Çalakiya rûniştinê ya li Kolana Lîseyê di roja 22'an de didome. Gel Hevşaredarê Bajarê Mezin ê Amedê Selçûk Mizrakli li qada çalakiyê bi dirûşma "Şaredar Selçûk îradeya me ye" pêşwazî kir. Komê li qadê pankarta "Dest nede vîna min" hildan. Ciwanan di çalakiyê de dirûşmeya “Li dijî dizan mil bidin mil" berz kirin. Parlamenterên HDP'ê, Wekîlê Serokê Koma HDP'ê Saruhan Oluç, Hevşaredarên Sûr, Farqîn, rêveberên HDP'ê, Nûnerên TJA, Dayikên Aştiyê û gelek nûnerên rêxistinên demokratîk amade bûn. Di çalakiyêde jinên dengbêj stran gotin û çalakî geş kirin.
'HÊJ ZAROKÊN ME NIKARIN BI ZIMANÊ XWE PERWERDE BIBIN'
Di çalakiyê de Hevseroka HDP'ê ya Amedê Hulya Alokmen destnîşan kir ku Kurd ji bo rûmetê têdikoşin û wiha "22 rojin çalakiya me didome. Her kes zane ku wê têkoşîna me bidome. Çalakiya me ne tenê li 3 bajarên ku qeyûm tayîn kiriuye, li her derê didome. Têkoşîna Kurdan êdî bûye tekoşîna rûmetê. Îro dibistan vebûn, hêj zarokên me bi zimanê xwe nikarin perwerde bibin. Em hêj li pêy daxwaza perwerdehiya zimanê zikmakî ne.
BOZKUŞ: TÊKOŞÎNA ME WÊ BIDOME
Rêveberê Hereketa Azadî Abdullah Bozkuş jî diyar kir ku qeyûm êrîşa li dijî çand û zimanê Kurdan e û wiha got: "Têkoşîna me wê bidome. Îktidar naxwaze Kurd xwe bi xwe bi rêve bibin. Bêzariya îktîdarê li dijî vê yekê ye. Em qeyûman qebûl nakin û tekoşîna me ya li dijî wê, dê bidome."
MIZRAKLI: EM Ê TEQEZ BI SER BIKEVIN'
Selçûk Mizrakli jî anî ziman uk biryar ne tenê darbeyeke siyasî ye û wiha axivî: "Dest dirêjî rûmeta kirin. Suleyman Soylû ji bo tayînkirinê dibêje 'ne qeyûm, serokwekîl'. Dema ez çûm deverekê min li şûna xwe kes nekir wekîl. Meclîsa şaredariyê jî ew nehilbijartiye. Navê vê yekê qeyûm e. Dîsa bi wesîleya salvegera wefata Yilmaz Guney em wî bi bîr tînin. Em ê bi ser bikevin, teqez bi ser bikevin."
OLUÇ: WERIN EM KOMÎSYONÊ AVA BIKIN
Wekîlê Serokê Koma HDP'ê Saruhan Oluç, bal kişand ser malbatên ku li ber avahiya HDP'ê ya Amedê rûniştine û got: “Operasyona aqilekî ava bikin heye. Ev sûcê giran dikin. Êş û hestê dayikan dikin maşik û li ser wan hebûna xwe pêş dixin. Em bang li hemû malbatan dikin ku em bi hevre pirsgirêkê çareser bikin. Ketine zorê. Niha dixwazin peyve 'Qeyûm' qedexe bikin. Hemû cihanê ev rezalet dît û fam kir. Ji bo bi rêya aştiyê çarser bibe divê gav bên avêtin. Em ji bo aştiyê pêş bixin têdikoşin. Em li dijî qeyûman têdikoşin. Em bang li partiyên li meclîsê dikin. Ji bo em pirsgirêka Kurd bi rêya demokratik çareser bikin werin em komîsyonê ava bikin. Em ji bo aştiyê gavên çareseriyê bavêjin. Werin ji bo aştiyê em pirsgirêkê çareser bikin. Bila hêsîrê dayikekê jî negindire. Ji bo dayikên zarokên wan esker, polîs û dayikên zarokên wan li çiyê em bi hevre têbikoşin."
Çalakî bi rûniştina 5 deqîqeyan bi dawî bû.