AMED - Li navçeya Pasûrê, Adil Yildizê 80 salî 65 sal in şivantiyê û hevjîna wî Dilşad Yildiz jî 50 sal in berîvantiyê dike. Malbata Yildiz, bilêv kir ku sewalvanî zehmet e û gotin: "Lê dîsa jî ji bo me tasek dew berberî her tiştî ye."
Li herêma Xiya ya navçeya Pasûr a Amedê, hevjînên hev Adil (80) û Dilşad (65) Yildiz bi salan e li çiyê sewalvantiyê dikin. Adil Yildzi, 65 sal in şivantiyê û hevjîna wî Dilşad Yildiz jî 50 sal in berîvantiyê dike. Malbata Yildiz, li mezrika Kipovît a gundê Akçeserê dijî. 12 zarokên malbatê hene û ji van zarokan tenê du jê li mezrikê dimînin.
LI SER DARA TÛYÊ RADIZÊ
Adil Yilzid, ji bo razanê li ser dara tuyê ji xwe re cihek çêkiriye. Her sibe radibe û piştî heywanên xwe diçêrîne, piştî nîvro 2 saetan bêhna xwe vedide. Yildiz, li ser çiyê li ser agir çaya ku çêkiriye dide ber rojnamevanan û behsa jiyana xwe dike. Yildiz, destnîşan dike ku nêzî 70 sal in sewalvantiyê dike û dibêje, ji ber bihabûna fiyetên êm û kayê sewalvantî jî nemaye. Yildiz, bilêv dike ku bi 7 hear lîreyî qamyonek ka kirîne lê belê têra wan nekiriye û got: "Par tona kayê 150 lîre bû, lê îsal bûye 800 lîre. Par êm jî bi 60 lîreyî bû, lê niha bûye 100 lîre."
Yildiz, bilêv kir ku gava pêdiviya wan bi beytar çêdibe nikarin peyda bikin û got: "Niha du bizinên me nexweş in. Em nizanin em ê kîjand ermanî bidin wan. Par ji ber min dermanekî min pê nizanibû da bizin, 28 bizinên min mirin. Min ji beytar derman xwest. Dermanê da min min jî da bizinan, lê bizinên min mirin. Eger bihata gund û wî bixwe li wan mêze bikira belkî nemirana."
4 MEHAN LI ZOZANA DIMÎNIN
Yildiz, got: "Em heywanên xwe dibin quntarên Çiyayê Andokê. Em 4 mehan li vira dimînin. Em heywanên xwe didoşin. Ancax têra me û xizmên me dike. Ji bo me tasek dew berberî her tiştî ye."
50 SAL IN BERÎVANTIYÊ DIKE
Dilşad Yildiz jî got: "Ez şîr didoşim. Xwedîkirina heywanan zehmet e. Çêkirina cihê wan, paqijkirina wan zehmet e. Ligel ev qas zor û zehmetiyê dîsa jî em heqê keda xwe nastînin. Emd için zozana. Rojê du dana heywanan didoşim."
MA / Fethi Balaman