AGIRÎ - Girtiyên Girtîgeha Tîpa L a Patnosê bi rêya nameyan binpêkirina mafan yek bi yek rêz kirin û diya kirin ku Girtîgeha Patnosê dişibe Kampa Nazî û wiha gotin: "Yên dengê mirovên li Girtîgeha Tîpa L a Patnosê dibihîzin hene?" 

 

Zext û tundiya li ser girtiyan didome. Girtiyên Girtîgeha Tîpa L a Patnosê bi rêya nameyan binpêkirina mafan ji Ajansa Mezopotamya (MA) re nivîsîn. Li ser navê girtiyan Bulent Şik name şand û anî ziman ku li girtîgehê binpêkirina mafan gelek zêde ye. Şik bi sernavê "Yên dengê mirovên li Girtîgeha Tîpa L a Patnosê dibihîzin hene?" name nivîsand.

 

'DIŞIBE KAMPA NAZIYAN'

 

Şik, anî ziman ku girtîgeh kirine navendên tecrîd û îzalosyonê û wiha got: "Em li girtîgehê rastî binpêkirinên li diji hiqûq û qanûnan tên. Bi taybetî 1'emîn Midûrê Girtîgeha Tîpa L a Patnosê  Ahmet Ergun yê salek berê hat vir, hemû şertên girtîgehê guhertine û dixwaze vê yekê rewa bike. Îşkence, muameleya xerab dixwaze rewa şîna bide. Mafê mirovan ên civakî ji dest digire. Bi dijminantî nêzîkî girtiyan dibin. Ji ber helwesta midur Ahmet Ergun mafê jiyanê ji holê rabûne û êdî Girtîgeha Panostê dişibe Kampa Naziyan. Ji ber vê yekê ewlehiya me di talûkeyê de ye." 

 

Şik binpêkirinên mafên mirovan wiha rêz kir: 

 

"* Salek de destûr nadin tu rojname têkevin girtîgehê. Mafê me yê agahiyan xezp dikin. 

 

* Hemu radyo kom kirine. Raydoyên ku bi pereyên me firotibûn me jî kom kirin. Yên radyo li odeya xwe hiştibûn radyoyên wan kom kirin û cezayê dîsîplînê dan wan. 

 

* Girtiyên nexweş nikarin ji mafê xwe yê dermankirin û tenduristiyê sûdê bigirin. Girtiyên li ber mirinê ne nikarin biçin nexweşxaneyê. 

 

* Mafê me yê civakî û qadên hevpar ji destê me girtine. Mafê Sohbet, atolye, kurs, hobî ji destê me girtine. 

 

* Gelek alav û amûrên me yên li odê yên mafê jiyanê ne ji destê me girtin û kom kirin. Satil, çekpas, teşt, sênîk, komidin û kom kirin an jî ji bo 20-30 kesan pir bi sînor kirine. 

 

* Her roj bi ser odeyan de digirin û lêgerîn dikin. Alavên me tev li hev dikin. Di lêgerînê de aloziyê derdixin û mirovan tahrîk dikin. Girtiyan teşwîkî întîharê dikin. Piştî van teşwîkê întîharê girtî bêtir zerarê didin xwe. 

 

* Malbatên tên ziyareta girtiyan jî rastî tundî û binpêkirina mafên mirovan tên. 

 

* 2 salin ava bêhna genî jê tê didin girtiyan. Ava germ nadin girtiyan. 

 

* Li her odeekê 15-20-30 girtî tên girtin. Lê dema em dixwazin wêne bikişînin destûr nade em hemû bi hevre bikişînin. 

 

* Tu pêdiviyên me yanên bersivandin. Dema em bi pereyên xwe dixwazin ji nadin me. Destûr nadin malbat jî ji mere bişînin. 

 

* Komer gardiyanên ku îşkenceyên provakatif-êrîşkar dikin heye. Kengî li ku êrîş bikin ne diyar e. Dema me ev yek ji midûr re got jî dibêje 'em nikarin kontrol bikin' Em li Koridorlaran girtiyên ku li erdê hatiye dirêjkirin û rastî lêdanê tên dibînin. Em bi xwe jî rastî lêdan û tundiyê tên. Daxwaznameyên me yên têkildarî van binpêkirinan nagêje rayedar û erkdaran. Daxwaznameyên me dernakevin dervê girtîgehê. 

 

* Her dem bi awayekî keyfî girtî rastî cezayê dîsîplînê tên. 

 

BANG 

 

Şik, di dawiya nameyê de bang li hemû parazvanên mafên mirovan û kesên bi hestiyar kir ku dengê girtiyan bibhîzin û rayedar dawî li van binpêkirinên mafan ên girtîgehan bînin. Şik, xwest hemû hes li hemberî vê yekê hestiyar tev bigere.