Deriyên Bendava Ilisû ya ku dîroka 12 hezar sal a çand û dîrokî ya Heskifê di bin avê de bihêle çendek berê hatibûn girtin. Ji ber girtina deriyên bendavê ava Çemê Dîcle kêm bû û her ku diçe kêmtir dibe. Ji ber vê rewşê, bi hezaran malbatên li navçeya  Cizîr a Şirnexê dijîn, bê av man û av ji bo wan nayê dayîn. 

 

Şaredariya Cizîrê di daxuyaniya da de, diyar kir ku ji ber kêmbûyîna avê, pompeyên avê bi qasî ku têr bike nikarin avê bidin tesîsatên parzînê. 

 

Şaredariyê da zanîn ku ekîbên wan ji bo bilindkirina avê, li qada pompeyên avê, dest bi xebatê kirine û piraniya vê xebatê temam bûye. Di daxuyaniyê de hat gotin ku welatî ji bo pêdiviyên xwe yên avê dikarin li ekîbên wan ê avê bigirin û taxwaza avê ji wan bikin.