ÎZMÎR - Fûrkan Karataş, diyar kir ku kesên xwe weke polîs didin nîşandan, li ser telefonê wî tim bêzar dikin û sîxurtiyê li wî ferz dikin. Karataş, da zanîn ku polîs tim nasnameya wî di GBT’ê re derbas dikin û li ser wî lêgerîn dikin.
Li Îzmîrê, kesên xwe weke polîs didin nîşandan “Sîxurtiyê” ferzî welatiyan dikin. Her roja derbas dibe, bûyerên wiha zêdetir dibin. Endamê Meclîsa Ciwanên HDP’ê Fûrkan Karataş ê li navçeya Menemê dijî, bi îdîaya di şahiya kampanyeya “Nebe muptela, azad be” ya di 21’ê Tîrmehê li Paraka Aştî û Demokrasî ya Taxa Asarlik hat lidarxistin de “Propagandeya rêxistinê kirin” di 25’ê Tîrmehê de hat binçavkirin.
Karataş ê rojek şûnde hat berdan, diyar kir ku mehek berî şahiyê, kesên xwe weke “polîsên asayîşa Menenemê” dan nîşandan, bi jimara 053186053.. li wî geriyan û wiha axivî: “Ji min re gotin ‘ji ber ku te şahidiya şerekê kiriye, divê tu werî ewlehiyê îfade bidî.’ Li ser vê yekê ez çûm Qereqola Asarlik. Polîsan behsa bûyerê ji min re kirin û wêneyê kesekê ku ez nas nakim nîşanî min kirin. Min ew kes nas nekir. Dûre ji min xwestin ku ez derbarê bûyerên siyasî yên li Asarlîk pêk dikevin de agahî bidim wan. Min got ez kesekê nas nakim û tiştekê nizanim. Dûre ez ji qereqolê derketim. Ez piştî şahiya Meclîsa Ciwanên HDP’ê ya di 21’ê Tîrmehê hat lidarxistin de, hatim binçavkirin. Ez birim Qereqola Bozyaka. Li wê derê heman polîs derketin pêşberî min û ji min re gotin ‘Gelo we dîsa çi kiriye ku hûn hatin girtin.’ Rojek şûnde ez berdam.” hevraz
‘EZ BIRIM HEVRAZEKÊ ÇIYA’
Karataş, da zanîn ku roja 14’ê Tebaxê saet 21.00’an bi heman jimara telefonê li wî geriyan û wiha bilêv kir: “Ji bo ku bi telefonê axivîm hinek ji qada dawetê dûr ketim. Polîs sîvîl li wê derê ez li wesayîtek gewr a marka wê Megan siwar kirim. Min nezanî çima ez binçav kirim. Dest pê kê gotin ‘em ê te hinekê bigerînin.’ Dûre gotin ‘emê te bibin gel polîsan’ û ez birim hevrazekê çiya. Pişt re li ser min lêgerîn kirin û nasnameya min di lêpirsîna GBT’ê re darbas kirin. Dûre wêneyê min kişandin. Li ser vê yekê ji min re gotin ‘Va ye me wêneyê te jî kêşa. Ji xwe agahiyên nasname û adresa te jî ligel me hene. Ger li Asarlik bûyerek jî bi qewime emê ji te zanibin.’ Piştre ji qadê dûr ketin. Rojek şûnde, ez û hevalên xwe ji kafêya înternetê derketin. Di derketina kafe de nasnemyên me kontrol kirin û di GBT’ê re derbas kirin. Pirsa ku ‘Gelo hûnê tiştekê bikin’ ji me kirin. Paşê di 16’ê Tebaxê de, nêzî firina lê dixebitim bi maşîneyek zirxî pêşiya min girtin. Dema ku kontrola GBT’ê kirin, ji min re gotin ‘Mêze bike em gav bi gav li dû tene. Beşdarî tiştekê nebe. Ji xwe re bibe zilam.’”
‘EMÊ ALÎKARÎ BIDIN’
Karataş, dest nîşan ku jimara li wî digeriya, herî dawî di 23’yê Tebaxê de jî li wî geriya û wiha dawî li axaftina xwe anî. Ji ber ku li Amedê bûm, min telefona xwe ligel hevalê xwe hiştibû. Polîs li telefona min digirin û dibêjin ‘Me Furkan di Twîtterê de dît. Li Amedê yî. Karê ku me ji tere gotibû tu dikarî çareser bikî? Emê bi her awayî alîkariya madî û manewî bidin te.’ Li ser gelek ciwanên mîna min zext hene. Sîxurtiyê ferzî me dikin. Ez van pêkanînan qebûl nakim. Ez derbarê polîsan de gilî bikim.”
Karataş, ji bo serlêdanê, serî li Şaxa Komelaya Mafê Mirovan (ÎHD) ya Îzmîrê da.