* Berdevka Meclîsa Jina ya HDP'ê Dîlan Dîrayet Taşdemîr, destnîşan kir ku di komcivîna partiya wan de ew li bersiva pirsa "em ê demokrasiya xwecihî çawa ava bikin?" geriyane û got: "Nexasim jî derket holê ku siyaseta rêya sêyem ku wê azadiya jinê pêşengiya wê bike û avakirina qadên demokratîk girêdayî rêveberiyên herêmî ye."
* Gundiyên piştî gundên wan hatin valakirin li bajaran bi cih bûn û di salên dawî de vegeriyan gundên xwe, ji ber erda ku şorax bûye û ji ber qedexeyan bi zor û zehmtiyan re rû bi rû ne.
* Li herêma çandiniyê Bismilê, cotkar ji ber zehmên tên kirin nizanin dê çi bikin. Cotkaran, bilêv kir ku berê wan bi 15 donima debara xwe dikir, lê belê niha nikarin bi 250 donimî jî debara xwe bikin.
* Gelek kesên ji bo debara malbata xwe bikin û heqê dibistana xwe derxînin ji warên xwe berê xwe dan Bodrûmê, ji şert û mercên bêewle û giran ên karî nerazî ne. Karkerên, di qawîşên 10-15 kesî de dimînin bilêv kirin ku di cejnê de jî nikarin biçin cem malbatên xwe.
* Mele Abdulkadir Anar ji ber ku di "nimêja înê ya sivîl" de li pêşiya cemaetê nimêj kiribû 6 sal û 3 meh cez alê hatibû birîn. Dadgeha Îstinafê cezayê li Anar hat birîn pesend kir.
* Di ser Komkujiya Geliyê Zîlanê re 89 sal derbas bûn. Osman Îlerî yê 105 salî ji bo wê rojê dibêje "qiyamet bû, zilm bû" û Tahir Nas ê 101 salî ku bi birîndarî filitîbû jî diyar dike ku kesên xwe ji çekan diparastin û xwe di bin cenazeyan de vedişartin jî yeko yeko dihatin singûkirin û kuştin.
* Der barê dosyeya Bunyamîn Îrcî yê 14 salî de ku di dema qedexeya li Cizîrê hat îlankirin de hat kuştin, hat derpêşkirin ku kiryar nehatine dîtin û "Biryara Lêgerîna Daîmî" hat girtin.
* Nameya ku Îrfan Kiliç ê li Girtîgeha Kandirayê dawî li jiyana xwe anî derket holê. Kiliç di nameya xwe de bertek nîşanî operasyona li dijî Herêma Federe ya Kurdistanê û nêzîkatiyê hikumeta herêmê dide.
* Danişîna doza Havva Zor wê li Dadgeha Cezayên Giran a Îskenderunê bê dîtin. (09.00)
* Meclîsa Ekolojiyê, Navenda Çanda Mezoptamya û Meclîsa Ciwanan a HDP'ê wê li Pira Deh Derî li dijî talankirina Heskifê daxuyaniyê bidin çapemeniyê. (11.30)
* Komîsyona Girtîgehan a ÎHD'ê wê rapora Nîsan, Gulan û Hezîranê ya herêma Marmarayê bi civîna çapemeniyê bi raya giştî re parve bike. (12.30)
* Heyeta HDP'ê ku li navçeya Lîcê gulebarana gundiyan û şewitandina zeviyan lêkolîn kir, rapor amade kir. Wê rapore li avahiya HDP'ê ya Amedê bi raya giştî re parve bike. (13.00)
* Rêxistdina HDP'ê ya Wanê wê têkildarî Heskifê daxuyaniyê bidin çapemeniyê. (13.00)
* Baroya Amedê wê ji bo bîranîna Serokê Berê yê Baroya Amedê Tahir Elçî li pêş edliyê daxuyaniyê bide çapemeniyê. (13.30)
* Meclîsa Ciwanan a HDP'ê ya Dersimê wê li dijî tiryak û fihûşê li Kolana Hunerê daxuyaniyê bide çapemeniyê. (17.00)