STENBOL - DMME, Tirkiye ji ber ku mafê azadiya îfadeyê yê Hevserokê Giştî yê HDP’ê yê berê Selahattîn Demîrtaş binpê kiriye, mehkûmê tazminata madî kir
Dadgeha Mafê Mirovan a Ewropayê (DMME), biryar da ku mafê azadiya îfadeyê yê Hevserokê Giştî yê Partiya Demokratîk a Gelan (HDP) yê berê Selahattîn Demîrtaş hatiye binpêkirin. DMME, biryar da ku Tirkiye 2 hezar euro tazmînata manewî û hezar euro jî, mesrefên dadgehê bide Demîrtaş
Demîrtaş, di 5’ê Tîrmeha 2005’an de, dema rêveberê Komeleya Mafê Mirovan (ÎHD) yê Amedê bû, beşdarî bernameyek ROJ TV’î bibû û derbarê “Qedexeya parêzaran a li ser Rêberê Kurdan Ocalan, rakirina tecrîdê û rola Ocalan a di çareserkirina pirsgirêka Kurd de” axivî bû. Dûre doz li Demîrtaş hatibû vekirin û dadgehê bi îdiaya propagandeya rêxistinê kirin, cezayê girtîgehê da bû Demîrtaş.