Şaredariya Pirsûsê ya HDP'î ji bo penaberên li Pirsûsê projeya Klînîka Psikiyatrî amade kir. Şaredariyê bi hevkariya Sefaretxaneya Swêd û UNİCEF ji bo penaberan xwest Klînîka Psikiyatrî veke. Piştî Klinîkê para xwe ji Vakfa Şanliurfa xwest, Vakfê ji bo demekê plana Klînîkê da rawestandin. Şaredariyê ji bo 50 penaberên ku li Navçeya Pirsûsê dijîn xwest Klinîka Psikiyatrî veke, lê rastî astengiya Vakfê hat. Şaredariyê armanc dikir ku projeyê di Gulanê de têxe meriyetê. Lê ji ber astengiya Vakfê heta meha çileya 2020'an taloq kir. 

 

Hevşaredara Pirsûsê Hatice Çevîk, diyar kir ku der barê projeyê de bi rayedarên ku ji Konsolosiya Swêdê hatin re hevditin kirin û wiha got: "Me ji rayedarên Konsolosê bersîvek erênî girt. Gelê Pirsûsê û welatiyên penaber ên li Pirsusê bi cih bûne ji ber şerê li herêmê bandorek neyînî li ser wan çêbûye. Ji ber vê yekê pêdivî bi klînîkek derûnî heye. Şaredariya me amadekariya binesaziyê kir. Ji bo ve yekê bijîşkekî derûniyê ji mere lazim bû. Me jî dê cih û sekretarya dabuya klînîkê. Lê ev projeya me hat rawestanidin. Vakfa Şanlıurfa ev projeya me da rawestandin. Ji ber ku me şaredarî ji destê qeyûm girt ev projeya me dan rawestandin. Lê dîsa em ê bi rê û rêbazekê vê projeya xwe têxin meriyetê. Piştî kampa penaberan a li navçeyê hat girtin, nêzî 20 hezar penaberên li kampê belav bûn. Li vir hene û pêdiviya klînîkê heye. Niha ji ber zêdebûna penaberan jiyan li Pirsûsê felç bûye. Bi giştî nêzî 50 hezar penaber li Pirsûsê hene. Tenê li konbajar nêzî 2 hezar penaber hene. Mirovên penaber ji ber şerê heyî cih û warên xwe terk kirine û hatine li vir bi cih bûne. Her çent butçeya me têrê neke jî çi ji detê me bê emê bikin." 

 

Têkildarî mijarê rayedarên Vakfê pirsên me nebersivandin.