AMED – Rêvebirê DTO'yê Dr. Kasim Kanan ku cezayê puanî lê hat birîn û peymana wî hat fesixkirin, diyar kir ku ji ber şert û mercên giran ê kar ne mimkun e xwe bigîhînin nifûsa tê diyarkirin û xwest ku pergala cezayê puanî ya veguheriye mobbîngê bê rakirin.
Li Amedê yek jê endamê Odeya Bijîşkan a Amedê (DTO) bi giştî 3 bijîşkên malbatî ji ber cezayê puanî peymana wan hat fesixkirin. Rêxistinên tenduristiyê bertek nîşanî vê rewşê dan.
Endamê Desteya Rêvebir a Odeya Bijîşkan a Amedê (DTO) û Desteya Rêvebir a Bijîşkên Malbatî ya Yekîtiya Bijîşkên Tirk (TTB) Dr. Sînan Gulşen û Dr. Kasim Kanan ê peymana wî hat fesixkirin bal kişandin ser pirsgirêkên ku bijîşk bi wan re rû bi rû dimînin. Dr. Gulşen, diyar kir ku bijîşktiya malbatî ewilî wekî pîlot li Duzceyê pêk hatiye, lê belê ji bo pirsgirêkan nebûye bersiv û berovajî wê pirsgirêk zêdetir kirine.
‘LI 4 HEZAR NEXWEŞÎ DINERIN'
Gulşen, got: "Di bijîşktiy malbatî de bijîşkek û hemşîreyek mecbûr in li 4 hezar nexweşî binerin. Ev jî dibe sedema pirgirêkan. Ji dêvla xebateke kolektîf, xebateke ku navenda wê bijîşkek e tê kirin. Bijîşkê nikare xwe bigihîne hemû karan, cezayê puanî lê tê birîn." Gulşen, bilêv kir ku dema cezayê puanî têkeve dewrê înîsyatîf a rêvebir e û cezayên tên birîn jî vediguhere cezakirinê. Gulşen, anî ziman ku ew bijîşk dixwazin pergala cezayê puanîku wekî gefxwarinêt ê bikaranîn bi dawî bibe û divê barê bijîşkan sivik bibe.
PEYMANA WÎ HAT FESIXKIRIN
Bijîşk Kasim Kanan ku peymana wî hat fesixkirin, destnîşan kir ku di bijîşktiya malbatî de cezayê puanî veguheriye pergaleke mobbîngî û got: "Ji bo heman sûcî heman ceza nayê birîn. Ji ber şert û mercên giran ên kerî ji ber negiham sehîkirina pençeşêrê 2 caran ceza li min hat birîn. Ji ber şertên giran ên karî ne mimkun e mirov xwe bigihîne nifûs hatiye diyarkirin. Li Amedê 80 ji sedî yê bijîşkan nikarin xwe bigihîn vê nifûsa diyarkirî. Lê belê ji ber cezayê puanî di înîsyatîfa rêvebir de ye, çawa bixwaze wisa dibire. Hîn min xwîna pahniyê negirtibû ceza li min hat birîn. Me xwîna oehniya zarokekî girtibû, lê belê hat xwestin em careke din bigirin. Li ser vê em li malbatê geriyan, lê belêg ot em nikarin bên. Ji ber malbat nehatiye cezayê puanî li me hat birîn. Ji ber vê û mînakên bi vî rengî 125 puan ceza li min hat birîn û peymana min hat fesixkirin."
Kanan, bilêv kir ku Wezareta Tenduristiyê erka cezayê puanî xistiye destê rêveberên Midûriyeta Tenduristiyê û got: "Di vê pergalê de pere li gor performansê tê dayîn. Yanî bi çavekî bazirganî li nexweşan dinerin. Ev yek jî dibe sedema ku bijîşk bi çavê mişterî nêzî nexweşan bibe."
Kanan, xwest pergala cezayê puanî ya veguheriye mobbîngê bê rakirin.