Komîsyona Girtîgehan a Şaxa Komeleya Mafên Mirovan (ÎHD) a Stenbolê bi daxwaza bila girtiyên nexweş bên berdan xwestin di hefteya 380’emîn de jî li Qada Galatasarayê çalakiya “Rûniştina F” li dar bixe. Polîsan vê hefteyê jî çalakiyê asteng kir. Li ser vê yekê parêzvananên mafên mirovan li ber avahiya Şaxa ÎHD’ê ya li Taksîmê çalakî li dar xistin û wêneyên girtiyên nexweş, pankartên “Mafê tenduristiyê nayê astengirin” û “Bila girtiyên nexweş bên berdan” vekirin. 

 

Vê hefteyê di çalakiyê de balê kişandin ser rewşa girtiyê nexweş ê giran Ozkan Kirici. Endama Komîsyona Girtîgehê Hatîce Onaran daxuyanî xwend. 

 

‘DIVÊ TEDAWIYA GIRTIYAN BÊASTENG BÊ KIRIN’ 

 

Onaran destnîşan kir ku li girtîgehan hêj binpêkirina mafan û tecrîd dewam dike û got: “Girtiyan li dijî tecrîdê, girankirina şertên jiyanê û xespkirina mafan bedenên xwe danîne holê û bi têkoşîna xwe bûne kevneşopiya berxwedanê afirandine. Divê tedawiyên girtiyên nexweş bêasteng bê kirin. Em bang li rayedaran dikin ku demildest guh bidin daxwaza me.” 

 

LI GEL RAPORÊ JÎ GIRTÎ YE 

 

Onaran bal kişand ser rewşa girtiyê nexweş ê giran Ozkan Kirici yê ji sala 1993’an ve girtî ye û wiha got: “Ozkan Kirici di 2-3 saliya xwe de qezayek derbas dike û ji ber vê yekê enîşka wî ji milê çepê qetiyeye. Milê xwe yê rastê û fonksyonên destê xwe çepê nikare bikar bîne. Rapora wî ya ji sedî 80’ê heye. Tevî ku rapora Ozkan Kirici heye jî li Girtîgeha Jimara 2’an a Tîpa L a Sîlîvriyê tê ragirtin. Li gel ku Ozkan Kirici bi rapor û daxwaznameyan rewşa xwe rave dike jî lê lê daxwazên wî nayên qebûlkirin. Ji ber nexweşînên xwe û rewşa milê xwe nikare bi tena serê xwe jiyana xwe bidomîne.” 

 

Onaran diyar kir ku muçeyê astengiyê yê Kirici ku mehane distîne hatiye birînê û xwest di serî de Ozkan Kirici û hemû girtiyên nexweş gavek berê gavekê bên berdan. 

 

ENQERE 

 

Li Enqereyê jî endamên Înîsiyatîfa Ji Girtiyên Nexweş Re Azadî di hefteya 253’yemîn de li ber avahiya Şaxa ÎHD’ê ya Enqereyê bal kişandin ser rewşa girtiyên nexweş û pankarta “Bila girtiyên nexweş demildest bên berdan” vekirin. Endama Desteya Rêveberiya Navendî ya ÎHD’ê Nuray Çevîrmen di çalakiyê de axivî û bal kişand ser rewşa girtiyên nexweş û ji bo rewşa girtiyên nexweş ne di rojeva desthilatdariyê de rayedaran rexne kir. Çevîrmen got binpêkirina mafan li girtîgehan her ku diçe zêde dibin û girtî bi rewşên xeter re rû bi rû ne. 

 

Çevîrmen anî ziman ku heta tîrmeha 2019’an de heta niha 21 kesan li girtîgehan jiyana xwe ji dest daye û 8 kes ji van girtiyên nexweş ên giran bûne. Çevîrmen da zanîn k udi meha Nîsanê de Cemîl Dîlber ê li Girtîgeha Tîpa T a Dînarê piştî emeliyata anjiyo bûye piştî wê birine girtîgehê û li ser ku Dîlber nexweş dikeve wî radikin nexweşxaneyê û krîza dil derbas dike. 

 

‘DIVÊ BÊ DERMANKIRIN’ 

 

Çevîrmen vê hefteyê bal kişand ser rewşa girtiyê nexweş Soydan Akay ê ji sala 1993’an ve girtî ye û niha li Girtîgeha Sîlîvrîyê dimîne. Çevîrmen got dema Akay tê binçavkirin îşkenceyên giran lê dikin û di sala 2018’an de nexweşîna penceşêra prostat lê peyda bûye û ev saleke ew û malbata xwe ji bo dermankirina vê nexweşînên ketine nava hewldanan. Çevîrmen got divê Akay di meha îlonê de li nexweşxaneyê bê razandin û tedawiya wî bê kirin. Çevîrmen anî ziman ku tevî vê nexweşînê jî Akay di hucreya yek kesî de tê ragirtin û xwest ku Akay di hucreya yek kesî de neyê ragirtin û ji bo dermankirinek baş demildest bê berdan.