Hêzên Sûriyeya Demokratîk (QSD) di operasyona "Bagera Cizîrê" ya li Dêra Zor ku li dijî DAIŞ'ê li dar xist de bi hezaran DAIŞ'î esîr girtin. Di operasyona Gundê Baxozê de yek ji kesê di nava DAIŞ'ê de esîr hat girtin, Yunus Emre Sakarya ye. Derket holê ku Sakarya, DYA bi bultena sor a înterpolê li wî digeriya û di nava lîseya "Terorîstê Kurevî yê Bi Taybet Hatiye Diyarkirin" de cih digire. Hat fêrbûn ku Sakarya, li gel amîrê ku li Serokatiya Daîreya Tevgera Polîsan li Enqereyê bi rêya şirketekê  piştgiriya lojistîk a eskerî ji DAIŞ'ê re dişand. Yunus Emre Sakarya yê 30 salî, di nava DAIŞ'ê de navê “Ebu Dûa Almani” li xwe kir. Sakarya, bi şîrketa li Tirkiyeyê ava kir, alîkariya lojistika eskerî ji DAIŞ'ê re kir. Sakarya, hem welatiyê Tirkiyeyê ye û hem jî welatiyê Almanyayê ye. Sakarya, bi rêya şîrketa li Enqereyê ava kir, malzemeyên şer ji DYA, Rusya, Almanya û Çinê kom dikir û ji DAIŞ'ê re dişand. 

 

TEVÎ BIRAYÊ XWE TEV LI EL NUSRA BÛ 

 

Li gorî agahiyên ku şervanên QSD'ê bi ajansa me re parve kirin Yunus Emre Sakarya bi eslê xwe ji Enqereyê ye û malbata wî di salên 1970’î de koçî Almanyayê kiriye. Sakarya, piştî lîse xelas kir, tevî birayê xwe tev li xebatên Komeleya Milletî Îbrahim a girêdayî El Qaîde bûn. Di sala 2013'an de li gel birayê xwe Îsmail Sakarya derbasî Sûriyeyê bû. Dema komên Selefiyan xebatên xwe li Almanya zêde kir, ji heman komeleyê tevî 30 kesan derbasî Misirê bûn û ji wir jî derbasî Libya bû. Kom piştre ji Lîbya jî derbasî Tirkiyeyê bûn. Dema hatin Tirkiye Sakarya li gel birayê xwe ji Hatayê dîsa derbasî Sûriye bû û tev li komên El Nusra bû. Sakarya, li vir jî perwerdehiya şer-î û eskerî stend. Sakarya, nêzî sakelê li Sûriye di nava El Nusra de perwerde bû û di sala 2014’an de bi jinek Alman a tev li El Nusra bû re zewicî. Sakarya, dîsa tevî birayê xwe tev li koma DAİŞ'ê bû. Dema di navbera DAÎŞ  û El Nusra de şer derket tevî malbata xwe dîsa derbasî Tirkiyeyê bû. Zarok û hevjîna Sakarya ji Tirkiye derbasî Almanya bû. Hikûmeta Alman derketina derve li hevjîna Sakarya qedexe kir. Sakarya jî li Enqereyê jiyana xwe berdewam kir. 

 

BI TEVGERA TAYBET RE HEVKARÎ KIR

 

Sakarya, têkildarî jiyana xwe agahî dan hêzên QSD'ê û anî ziman ku ji bo hevjîna xwe bîne gelek caran ketiye nava hewldanan. Sakarya, diyar kir ku demekê bi Hêzên Tevgera Taybet re ketiye nava diyalogê û wiha got: "Min li Enqere polîsek nas kir. NAvê wî L. K. bû. Amîrekî li Serokatiya Daîreya Tevgera Polîsan li Enqereyê bû. Têkiliya wî û kesên ji ewlehiya Serokomar Erdogan berpirsiyar hebû. Piştre pir bi min eleqeder bû. Hemû alîkarî dan min. Ez bi gelek kesên din re dam naskirin. Malek ji min re dit. Derket holê ku ew mal lojîktîkê ya Fermandariya Giştî ya Cendirmeyan e. Wî mirovê xwediyê xanî bi min û amîrê li gel min re axivî. Got 'Em çawa dikarin hersê kes bi hev re kar bikin. Piştî vê hevdîtinê me li Enqere şîrketek ava kir. Me li Keçîoren a Enqereyê Şîrketa Lîmîted a Îhracat û Îtalatê ya Bazirganiya Elektronîk a Profesyonel ava kir. Me bi 500 hezar TL'yî şîrket ava kir. li ser rêya înternetê ya hesabê “www.warriorgears.com” xebatên şîrketê kir. Şîrketê malzemeyên eskerî, durbun, kamera, kask, bot, bêtêl, dron û alavên eskerî krîn û firotin. Hemû scîla şîrketê ya bazirganiyê fermî bû. Wekî şîrketên din ên li Tirkiye baca xwe dide xebat dikir." 

 

JI DYA RUSYA, ALMANYA Û ÇÎNÊ MALZEME HATIN

 

Sakarya, da zanîn ku piştre wî û polîs L.K. ketin nava dan û stendinek mezin û wiha got: “Min bi alîkariya wî ji DYA, Rusya, Almanya û Çînê malzeme anî. Min dema alav ji Emeriqa dixwest min L.K. referans nîşan da. Piştre me têkiliyên xwe mezin kir. Têkila wî bi Sûriye re jî hebû. Me ji DYA çek, durbun, pergala komunikasyonê û drone  dixwestin. Me malzemeyên eskerî di ser rêya Idlibê re derbasî Sûriye kirin. Me 2 salan amûrên çek û lojîstîka eskerî derbasî Sûriye kir. Hin caran ciroya şîrketê heta 10 milyon dolaran zêde bû. Gelek DAIŞ'iyên wekî me kar dikirin jî hebûn. Lê tenê min bi awayekî fermî bazirganî dikir. Mehê 100 milyon dolar ciroya DAIŞ'ê hebû. Me ji DYA alîkariya pereyan ji rêya Akbank, Garanti, Vakıf û HSBC'ê pêşwazî dikir. DYA jî bi rêya bangka Bank Of America pere dişandin. Ev ragihandin tev bi belge û fermî ye. Min amûrê eskerî hin caran bi rêya bazirganan û hin caran bi rêya birayê xwe Îsmail gihandin destê DAIŞ'ê. Birayê min agahî dan QSD'ê ku ez berpirsiyarê krîna malzemeyên teknîkî yê DAÎŞ’ê me. Îsmail Sakarya ku gelek caran di navbera Sûriye û Tirkiye de çû û hat niha li girtîgehek Tirkiye girtî ye."

 

LI SER NAVÊ OSO ÇEK ŞANDIN JI DAÎŞÊ RE 

 

Sakarya, herî dawî destnîşan kir ku çekên şandin ji DAIŞ'ê re li ser navê OSO şandin û wiha bi dawî kir: "Li vir rola L. K. pir zêde bû. “L.K., wê demê dîsa maddeya uranyum û civa sor jî peyda dikir. Ev di çekên kîmyewî û teqemeniyan de bikar dianîn. Têkiliya wî û Rûsya jî bi hevre hebûn. Ez li Dêra Zor ji aliyê QSD'ê ve dîl hatim girtin. Almanya dixwazin min teslîmî wan bikin. 

 

MA / Nazım Daştan