AMED – Yuksel Genç, rola Kurdan a di hilbijartina Stenbolê de nirxand û got: "Kurd, wê xwedî li Îmamoglû ku neheqî lê hatiye kirin û vîna hatiye xespkirin derkevin."
Wê roja yekşemê hilbijartina Stenbolê pêk bê. Di vê hilbijartinê de dîsa kurd xwedî roleke girîng in. Koordînatora Navenda Lêkolînên Siyasî û Civakiyî (SAMER) Yuksel Genç, rola kurdan nirxand û diyar kir ku kurd baş dizanin vîna hatiye xespkirin çî ye û wê bi îtifaqa AKP-MHP'ê bidin windakirin.
Genç, diyar kir ku wekî hilbijartina 31'ê Adarê wê di vê hilbijartinê de jî kurd, ji bo îtifaqa AKP-MHP'ê bi ser nekeve tev bigerin û got: "Di 31'ê Adarê de motîvasyona sereke ya hilbijêrên kurd 'windakirina bi îtifaqa AKP-MHP'ê' bû. Ev fikriyat pêk hat û bi ser jî ket. Ji bo hilbijartina 23'yê Hezîranê jî pêdivî bi vê motoîvasyonê çêbû. Ew jî ji ber betalkirina hilbijartinê û bi awayekî neheq desteserkirina mazbataya Îmamoglû bû. Ev yek kir ku hilbijêrên HDP'î yên di 31'ê Adarê de deng dan CHP'ê careke din deng bidin. Bi awayekî dîtir, di hilbijartina 31'ê Adarê de deng nedan CHP'ê, hewl dan îtifaqa Cumhûr winda bike. Wê vê carê jî dîsa nedin CHP'ê wê ji bo îtifaqa AKP-MHP'ê winda bike dengê xwe bi kar bînin. Her wiha wê kurd, wê xwedî li Îmamoglû ku neheqî lê hatiye kirin û vîna hatiye xespkirin derkevin."
KURD NE CHP, DIDIN NAMZETÊ NÊZÎ DEMOKRASIYÊ
Genç, destnîşan kir ku wê AKP bi çend gotinên ku bal dikişîne ser kurdbûyînê nikaribe dengan ji kurdan bistîne û got: "Tê dîtin AKP, ji bo 23'yê Hezîranê nexasim jî dixwaze tesîrê li hilbijêrên kurd ên muhafazakr bike. Ji ber vê navê Kurdistanê bi kar anî, bal kişand ser kurdbûyînê û ji bo li Stenbolê şêx û melayan bike perçeyeke propagandayê tev geriya. Lê li herêmê bi xwe bandora şêx û melayan tune ye, wê çawa li Stenbolê hebe. Ev helwest nîşan dide ku dewlet ji bo tesîrê li kurdan bike hîn jî ji kodên kevneşopiyî xelas nebûye." Genç, bilêv kir ku ji hêla kurdan ve gotinên AKP'ê yên di vê pêvajoyê de ji baweriyê dûr in û stratejiyeke çareseriyê di xwe de nahebînin û wê bi vê stratejiyê nikaribe dengên kurdan bigire."
Genç, destnîşan kir ku piraniya hilbijêrên kurd ne CHP, dengê xwe didin namzetê nêzî demokrasiyê, yanî Îmamoglû û got: "Di vir de daxwaze sereke; lis er asasê wekheviyê pêwendîdanîna bi kurdan re û daxwaza demokratîkbûyîna Tirkiyeyê ye. Yanî dengê xwe nadin polîtîkayên CHP'ê yên lis er înkarê ne û bi kirasê tirkîtiyê hatiye nixumwandin û dîkekirinê di xwe de dihebîne."
Genç, bilêv kir ku divê CHP desteke hilbjêrên HDP'î ne wekî pesendkirina polîtîkayaên wê, divê wekî avanseke ji bo polîtîkayên wê veguherin polîtîkayên demokratîk esas bigire û got: "A rast ev di pirsgirêka kurd de, ji bo çareserkirinê teklîfeke ku CHP bibe hêleke vê çareserkirinê. Wê CHP vê teklîfê qebûl bike yan na, em ê bibînin. Wê ji bo Tirkiyeyeke demokratîk bibe pêşweng an na, em ê di demeke kurt de bibînin."