Li Girtîgeha Tîpa T-2 a Şakran a Îzmîrê, Abdulbarî Yildirim 79 roj in li dijî tecrîda li Îmraliyê di greva birçîbûnê de ye. Yildirim bi boneya Roja Dayikan nameyek ji malbata xwe re şand.  Yildirim ji sala 1993'yan ve girtiye û cezayê muebetê lê hatiye birîn. Yildirim, destpêkrê Roja Dayikan a Leyla Guven û bi tevahî Roja Dayikan a hemû dayikên kitanspî pîroz kir. Yildirim, bi bîr xist ku ji bo dengê bi milyonan ragihînin dayikên kitanspî her roj li qada ne û dewlet jî heqaretê li wan dike, lê belê ew li dijî heqaret û zextên dewletê li ber xwe didin. Yildirim, destnîşan kir ku pergala kapîtalîst naveroka Roja Dayikan vala kiriye, lê belê dîrok mezinahî û pîrozbûna dayikê nîşan dide. 

 

ÇÎROKA ROJA DAYIKAN 

 

Yildirim, anî ziman ku lehenga 12'ê Gulanê keçeke zarok e û got: "Di serdemên navîn de tenê mafê jiyanê yên zarokên kur hebûye. Zarokên keç an bi saxî dihatin veşartin an jî dihatin şewitandin. Dayikek keça xwe veşartiye, lê pergal hay jê çêdibe û keçikê ji malbatê distîne û wê li dêrê mezin dike. Keçik heta 18 saliya xw ebi hesreta dayika xwe. Ji dêrê direve li dayika xwe digere. Dayik jî ji ber keçek aniye dinê bi awayekî giran hatiye cezakirin. Paşê nexweşînek giran lê peyda dibe û tê berdan. Keç, li nerxweşxaneyê diya xwe dibîne. Dayik ji halketî ye, lê bêhna keça xwe hîs dike û çavê xwe vedike. Wexta çavê xwe vedike bi hesret keça xwe hemêz dike. Lê bêyî ku dayik bêhna keça xw ebikişîne nava xwe dimire. Keçik jî ji bo ew roj bibe roja dayikan têdikoşe û sond dixwe. Û vê rojê wekî Roja Dayikan bi pergalê dide qebûlkirin." 

 

Yildirim, destnîşan kir ku dayik ji bo jiyaneke azad û ji bo bidawîbûna tecrîda li ser Rêberê PKK'ê Abdullah Ocalan li qadan azadiyê diqîrin û li dijî zext û zoriyê xwedî li zarokên xwe derdikevin û dengê wan radigihînin cîhanê.