STENBOL – Wezîrê Dadê Abdulhamit Gul îro daxuyanî da û diyar kir ku qedexeya der barê parêzeran a bi Rêberê PKK'ê Abdullah Ocalan re hevdîtinê bike hatiye rakirin. Lê balkêş e piştî dadgehê qedexe ji ser parêzeran rakir û şûnde parêzeran ji 17'ê Nîsanê heta niha 8 çaran serî li dozgeriyê dan lê tenê carekê serlêdana parêzeran qebûl kir.
Rêberê PKK'ê Abdullah Ocalan ji 15'ê Sibata 1999'an û şûnde zêdeyî 20 salin bi tena serê xwe li Girtîgeha Tîpa F a Ewlehiya Bilind di yek hucreyê de tê girtin. Ji 27'ê Tîrmeha 2011'an heta 2'ê Gulana 2019'an parêzeran
810 caran serlêdan kir û hemû serlêdanên parêzeran hatin redkirin. Piştî dadgeha Înfazê îtîraza parêzeran di 17'ê Nîsanê de qebûl kir û biryara hevditina parêzeran bi Ocalan re da û şûnde parêzeran heta niha 8 caran serî li serdozgeriyê dan. Lê di serlêdana 9 caran de tenê carekê serlêdana parêzera hat qebûlkirin û hevditin kirin. Ji ber ji 27'ê tîrmeha 2011'an û heta niha 8 salin parêzer nikarin biçin Îmraliyê û bi Ocalan re hevdîtin bikin, bi armanca tecrîd bi dawî bibe Hevseroka KCD'ê Leyla Guven 190 rojin di greva birçîbûnê de ne. Bi hezaran girtî ketin greva birçîbunê. 30 girtî dirojiya mirinê de ne. Her roj bi sedan dayik dadikevin kolanan û denge xwe bilind dikin. Piştî bertek û nerazîbûna gelê kurd a li girtîgeh û li kolanan zêde bû, destûr dan ku di parêzer di 2'ê Gulanê de biçin Îmraliyê û bi Ocalan re hevdîtin bikin. Lê balkêş e piştî hevdîtina 2'ê Gulanê parêzeran dîsa serlêdan kirin, lê heta niha serlêdanên parêzeran nehatine bersivandin. Beyî ku hevdîtin pêk bên, Wezîre Dadê Abdulhamit Gul îro daxuyaniyek da û diyar kir ku "Qedexeya li pêş parêzeran a bi Ocalan re hevdîtin bike hatiye rakirin"
Gul, piştî bi Endamên Komîteya Pêşîlêgirtina Îşkenceyê ya Ewropa (CPT) he revhîtin kir, daxuyanî da. Gul, hêj nû diyar kir ku hevdîtina parêzeran a bi Ocalan re heqekî qanûnî ye. Gul anî ziman ku li gorî hukmê Qanûnê Înfazê mafê Ocalan heye ku bi parêzeran re hevdîtin bike. Gul, aşkere kir ku Heyeta CPT'ê di 7'ê Gulanê de bi Ocalan re hevditin kiriye. Lê balkêş e li gel qedexe bi biryara dadgehê di 17'ê nîzanê re dabû jî ji xeyî 2'ê Gulanê hemû serlêdanên parêzeran hatine redkirin. Piştî ku Wezîr Gul daxuyanî da û got 'Qedexeya li ser parêzeran rabkûye," serlêdanên parêzeran ên piştî ku bi biryara dadgehê qedexe rabû û şûnde hatin kirin û heta niha bê bersîv mane bû mijara pirs û fikaran. Buroya Hiqûqê ya Asrin diyar kir ku biryara qedexe û astengî rabûye ji 17'ê Nisanê de hatiye dayîn û ne biryarek nû ye. Parêzeran destnîşan kir ku heta niha çima tenê carekê parêzer çûn hevditinê û çima 8 serlêdanên parêzeran hêj bê bersîv in. Parêzeran anîn ziman ku ji 2011'an heta niha 808 caran serlêdanên wan hatin redkirin û bi hinceta cezayê "Sûcê dîsîplîne" dane Ocalan serlêdanen parêzeran red kirine. Parêzeran herî dawî di 25'ê Nîsanê cara 809’an serleda kirin û ev serlêdan bê bersîv ma. Parêzeran cara 810’an di 30'e nîsanê de serlêdan kirin û ji 4 parêzeran tenê serlêdana 2 parêzeran hat qebûlkirin. Lê piştî 17'ê nîsanê ku dadgehêbiryar da parêzeran 9 saran serlêdan kirin û 8 serlêdanên wan hêj bê bersîv in.