ENQERE - Çalakiya greva birçîbûnê û rojiya mirinê ya li dijî tecrîda Rêberê PKK'ê Abdullah Ocalan berdewam dike. Hunermendan ji bo balê bikişîne ser çalakiyên girtiyan ên greva birçîbûnê û rojiya mirinê bang li rayedaran kirin û xwestin gavan bavêjin. Hunermend Berna Laçîn, bang kir û got: "Ji bo mirov zerarê nedin jiyana xwe, ji bo çareseriya gavan bavêjin." Hunermend Barbaros Şansal jî got: "Greva birçîbûnê êdî berhema tîbûna edaletê ye."
Hevseroka Kongreya Civaka Demokratîk (KCD) Leyla Guven bi armanca tecridkirina Rêberê PKK'ê Abdullah Ocalan bi dawî bibe di roja 189'an de berdewam dike. Li girtîgehan bi heman armancê bi hezaran girtî di grevê de ne. Dîsa 30 girtî ketine rojiya mirinê. Têkildarî çalakiyên greva birçîbûnê hunermend ji Ajansa Mezopotamya (MA) re axivîn û bang li rayedaran kirin ku gavên çareseriyê bavêjin.
'HER KES DIKE QÊRÎN KU DENGÊ XWE BIDIN BIHÎSTIN'
Şanoger Levent Uzumcu, bi gotina "Hûn halê welat dibînin" bal kişand ser rewşa welat û wiha got: "Her kes dike qerîn da ku dengê xwe bide bihîstin. Her kes dixwaze dengê xwe bide bihîstin. Hewl didin neheqiya heyi bînin ziman. Êdî her tişt bûye dojeh. Tu demê bi qasi niha aşkere tiştê xerab nehat kirin. Ez evîdarim başî û xweşî wê bi ser bikeve. Tenê bi daxwaz û nivisandina li ser internette û Twitteran tişt nayê guhertin. Divê her kes gavan bavêjin. Divê her kes li pişt daxwazên xwe bilezin."
'EM NAXWAZIN KES BIMIRIN'
Nivîskar Umît Kivanç jî anî ziman ku ew dixwaze demek zû dawî li rojiya mirinê bînin û wiha got: "Ez naxwazim kes jiyana xwe ji dest bidin."
'DERÊ MIROVAN HEYE'
Lîstikvan Berna Laçin jî ani ziman ku divê her kes çi ji destê wan tê bikin û wiha axivî: "Ger ku çi dibe bila bibe, li ku dibe bila bibe ger ku mirov dikevin greva birçîbûnê û rojiya mirinê wê demê derdê mirovan heye. Divê em li wan guhdar bikin û wan fam bikin. Ji bo mirovê herî baş jiyana xwe ji dest nedin divê gavên çareseriyê û li hevkirinê bên avêtin. Hiqûq heye. Kuralê wê heye. Heq û edalet heye. Divê li gorî wê gav bên avêtin. Ji ber vê yekê divê mirov li wan guhdar bike. Ji ber vê yekê divê berî her tiştî hiqûq pêk bê. "
'GRAVA BIRÇÎBÛNÊ TÎBÛNA EDAELTÊ YE'
Sêwirînerê Moda Barbaros Şansal jî anî ziman ku li Tirkiye greva birçîbûnê şerma Komara Tirkiye ye û wiha got: "Îktîdar vê yekê dike çek. Îktîdar vê grevê li gel Îmraliyê dike wekî çek û bikar tîne. Ger ku gav neyên avêtin wê mirov jiyana xwe ji dest bidin. Têkildarî daxuyaniya Abdullah Ocalan negotin emê rawestînin. Got 'Emê çalakiya xwe berdewam bikin.' Ev jî nîşan dide ku mesele ji bo avakirina hiqûqê ye. Ev mesele ji tecrîda Abdullah Ocalan derbas bûye. Li Tirkiye çalakiyên greva birçîbûnê tîbûna edaletê nişan dide."
'BILA BI LEZ TECRÎD RABE'
Hunermend Deniz Turkalî jî xwest tecrîd bi dawî bibe û wiha got: "Tecrîd li dijî mirovahiyê ye. Divê demek beriya demekê tecrîd rabe."
'DIVÊ HUNERMEND Û REWŞENBIR ÎNÎSİYATÎGÊ BIGIRIN
Stranbêj Mikail Aslan jî xwest mirin bên rawestandin û wiha got: "Divê daxwazên girtiyan pêk bê. Divê hunermend û rewşenbir vê daxwaza girtiyan ji hikûmetê re ragihîne. Divê di navbera hikûmet û girtiyan de pirekê ava bikin û rola xwe bilîzin."
MA / Zemo Aggoz