STENBOL – Serodzgeriya Komarê ya Bûrsayê, serlêdana hevdîtinê ya malbatan a bi Rêberê PKK’ê Abdullah Ocalan û 3 girtiyên din ên li Îmraliyê re red kir.
Mehmet Ocalan û Vasî Mazlûm Dînç ji bo ku bi Rêberê PKK'ê Abdullah Ocalan re hevdîtin pêk bînin, duh bi rêya parêzerên xwe serî li Serdozgeriya Komarê ya Bûrsayê dabûn. Serdozgeriyê serlêdana malbatan red kir.
Li aliyê din malbatên 3 girtiyên din Polat Yildirim ji bo bi birayê xwe Hamîlî Yildirim, Alî Konar ji bo bi birayê xwe Omer Hayrî Konar û Sabîha Aslan jî ji bo bi birayê xwe Veysel Aktaş re hevdîtin bikin serî li serdozgeriyê dabûn, dozgeriyê serlêdana wan jî qebûl nekir. Serdozgerî serlêdanan bi hinceta cezayê dîsiplînê red kir.
Mehmet Ocalan piştî hevdîtina xwe ya di 11’ê îlona 2016’an de, herî dawî di 12’ê çileyê de jî bi Ocalan re hevdîtin pêk anîbû.