STENBOL - Akademisyen Prof. Dr. Fusun Ustel ku 15 meh ceza lê hat birîn û cezayê wê hat erêkirin, berî têkeve girtîgehê, di çalakiya kesên piştgirî dan wê de got: "Em ne li taliya axaftinê ne. Em li destpêka axaftinê ne. Em ê bêtir deng û gotinên xwe bilind bikin. Emê di nava aştiyê de daxwazên jiyanê bilind bikin."
Akademîsyen Prof. Dr. Fusun Ustel ku danezana aştiyê ya Akademîsyenên Ji Bo Aştiyê ya "Em nabin şirîkê vî sûcî" îmze kir û 15 meh ceza lê hat birîn, piştî dadgeha îstînafê ceza erê kir wê têkeve girtîgehê. Beriya ku Prof. Dr. Fusun Ustel têkeve girtîgehê, komek rewşenbir li ber Edliyeya Çaglayan a Stenbolê daxuyanî dan û ceza şermezar kirin. Di daxuyaniyê de Prof. Ustel, Parlamenterê HDP'ê Garo Paylan, Ali Kenanoglu û gelek kesên din amade bûn. Di çalakiyê de pankarta “Cihê Akademîsyenên aştiyê dixwaze ne girtîgeh e, zanîngeh e." Di çalakiyê de Akademisyen Prof. Dr. Zeynep Tul Akbal daxuyanî xwend. Akbal, anî ziman ku daxwaza aştiya civakî ne sûc e û wiha got:
3 sal berê li bajarê Kurdan li ber çavê her kesî mafê mirovan ê jiyanê hat îhlalkirin. Danezana aştiyê ya Akademîsyenağn tenê bû dengekî vê heqîqeta bi êş. Piştî vê daxuyaniyê li dijî me neçîra cadiyan dest pê kir. Daxwaza aştiya civakî ne sûc e. Duh ne sûc bû îro jî ne sûc e. Dijberî vê yekê em kesên akademisyen erka me ya hemwelatiyê ye. Hişmendiya qeyûm ku berê li ser kurdan meşand duh li Stenbolê li dijî Şaredariya Bajarê Mezin a Stenbolê xist meriyetê."
EM LI DESTPÊKA AXAFTINÊ NE
Prof. Dr. Fusun Ustel jî wiha got: "Em ne li taliya axaftinê ne. Em li destpêka axaftinê ne. Em ê bêtir deng û gotinên xwe bilind bikin. Emê di nava aştiyê de daxwazên jiyanê bilind bikin."
Ustel pişti daxuyaniyê ket girtîgehê