* Parêzer Leyla Han Tuzel bal kişand ser çalakiyên greva birçîbûnê yên li dijî tecrîdê û xwest hiqûq ji bo her kesî wek hev pêk bê. Berdevkê Hewldana 78'an Celalettîn Can jî got: "Ji bo yekîtiya Tirkiyeyê û biratiya gelan deng bidin." 

 

* Aktivîsta TJA'yê Gulcîhan Şîmşek bûyerên îstismarê yên li hemberî zarokan şîrove kir û got: "Awayê şidetê ya empozeyî civakê hatiye kirin veguheriye îstismarê." 

 

* Nivîskar Rênas Mûsa, hevdîtinên xwe yên bi şervanên YPG û YPJ'î yên li Kobaniyê li dijî DAIŞ'ê li ber xwe dan û bi ser ketin kirin pirtûk û çap kir. Navê pirtûka Mûsa “Tarihin Sıfır Noktası Kobanê” ye. 

 

* Girtiyê nexweş Sînan Tûtmaz ku 60 roj in di grev abirçîbûnê de ye, ragihand ku heta tecrîda li ser Ocalan bi dawî nebe ew ê dev ji çalakiya xwe bernedin. 

 

* Endamên Hewldana 78'an diyar kirin ku daxwaza çalakgerên greva birçîbûnê daxwaza civakê hemû ye û gotin: "Em bibin dengê vî dengî." 

 

* Wê li Şirnexê piştî 4 salan 1'ê Gulanê Cejna Karkeran bê pîrozkirin. Wê 1'ê Gulanê li Cizîrê bê pîrozkirin. Berdevkê KESK'ê û Serokê Şaxa Egîtîm Sen a Şirnexê Mûzaffer Yildirim, got: "Em bang li her kesî dikin ku em bi hev re ji bo aştiyê biqîrin." 

 

* Parlementerê HDP'ê yê Kocaeliyê Omer Farûk Gergerlîoglû, bal kişand ser nedayîna mazbatayên şaredar û endamên meclîsê yên bi KHK'yan hatine îxrackirin û got: "Îktîdar rejîma qanûna bingehîn qedandiye û rejîma KHK'iyan ava kiriye." 

 

* Cîgirê Hevserokatiya HDP'a Stenbolê Cengîz Ûzûner ku şahidê Komkujiya 1'ê Gulana 1977'an e got: "Wê banga me ya îsal ev be 'Leyla çîn e, çîn tê tecrîdkirin.' Sembola me laçika spî ye. Em bang li hemû mirov, demokrat, welatparêz, karker, jin û ciwanan dikin û dibêjin kitana xwe ya spî girêde û were." 

 

* Hevşaredarê Şaredariya Bajarê Mezin a Amedê Selçûk Mizrakli, ji bo texrîbata qeyûm got: "Bêyî hewce bi gotinê hebe, cîhanê texrîbata wan dît. Divê em ji niha û pê ve karê xwe bi awayekî adilane bikin." 

 

* Wê li gundên Sûryaniyan ên girêdayî Navçeya Hezexa Şirnexê Cejna Paskalya bê pîrozkirin. (10.00)

 

* Malbatên zarokên wan di greva birçîbûnê de ne dê di roja 20'emîn de li ber Girtîgeha Tîpa M a Gebzeyê çalakiya xwe ya nobetê dewam bikin. (12.00)

 

* Komîteya Amadekar a 1'ê Gulanê dê qurbaniyên 1'ê Gulana 1977, 1989, 1966'an de jiyana xwe ji dest dan li Kazanci Yokuşu, Şîşhaneya Taksîmê û Kadikoyê bibîr bîne. (11.00-13.00-15.00)

 

* Parêzerê Lîderê Eniya Rizgariya Gel a Filîstînê Ahmet Saadet û parêzvanê mirovan e ji Filîstînê Mahmod Hassan, dê li Navenda Giştî ya HDK'ê ya li Stenbolê civîna çapemeniyê li dar bixe. (12.30)

 

* Rêxistina HDP'ê ya Navçeya Wêranşarê ji bo balê bikişîne ser tecrîdkirina Rêbêrê PKK'ê û grevên birçîbûnê dê li ber avahiya xwe daxuyaniya çapemeniyê li dar bixe. (13.00)

 

* Rûspî, nûnerên rêxistinên civakî yên sivîl û nûnerên partiyên siyasî dê bi rojeva greva birçîbûnê li avahiya rêxistina HDP'a Amedê bên gel hev. (13.00)

 

* Hevserokên Giştî yên HDP'ê dê Şaredariya Bajarê Mezin a Wanê ziyaret bikin. (14.00)