* Ji ber krîza aborî rewşa bazara dîrokî ya Sîpahiyê ne tu rewş e. Esnafê bazarê Necdet Şansal, diyar kir ku ji ber turîst nayên rewşa karê wan jî nebaş e. Şansal, anî ziman ku rewşa turîzmê jî bi gavên demokratîk pêkan e.
* Safiye Devîren ku du zarokên wê, xwişkek wê û zavayekî wê girtîne û di greva birçîbûnê de ne, got: "Em li ber dikevin. Lê zarokên me doza mafê xwe dikin. Ji ber mirov doza mafê xwe dikin divê neyên tawanbarkirin."
* Li Wanê bi hatina biharê re kesên dixwazin pîvazan deynin, tuxim bi destê wan nakeve. Par kîloya tuximê pîvazan bi 5 lîreyan bû, îsal bûye 25 lîre.
* Hevberdevkê HDK'ê Sedat Şenoglû bal kişand ser gotina Serokomar Erdogan ku gotibû "em hesin sar bikin" û diyar kir ku ev gotin gotineke sixte ye û got: "Pêşî divê mirov bizanibe ka hesin ji bo çi sinciriye. Kesên sincirandine nikarin sar bikin."
* Hevserokê Giştî yê KESK'ê Mehmet Bozgeyîk diyar kir ku di 1'ê Gulanê de ew ê li 81 bajaran dakevin qadan û got: "Ji bo 1'ê Gulanê em bang li hemû kedkar, karker, jin, xizan û betalan dikin."
* Zekî Gungor ku birayê wî Yasîn Gungor 132 roj in li dijî tecrîdê di greva birçîbûnê de ye, diyar kir ku birayê wî pir zihîf bûye û gotiye, garidyan êrîşî wan dikin.
* Suleyman Gultekîn ku 57 roj in di greva birçîbûnê de ye, bêdengiya heyî rexne kir û got: "Heta tecrîd bi dawî nebe em ê dev ji çalakiya xwe bernedin. Em ê heta dawiyê li ber xwe bidin."
* Yilmaz Ûgûr ku 57 roj in di greva birçîbûnê de ye, got: "Heta tecrîd bi dawî nebe wê çalakiya me dewam bike." Her wiha hefteya borî Ûgûr, du caran nerihet bibû û wî rakiribûn nexweşxaneyê.
* Endamê Komîsyona Girtîgehan a ÎHD'ê Parêzer Mûstafa Vefa diyar kir ku 14 girtiyên li girtîgeha T1, T2 ên Rihayê û Girtîgeha Tîpa T a Sêwregê 112 roj in di greva birçîbûnê de ne, li ber mirinê ne û got: "Êdî saniye jî pir girîng in."
* Çalakiya nobeta malbatên girtiyan a li ber Girtîgeha Tîpa M a Gebzeyê dê di roja 18'emîn de berdewam bike. (12.00)
* Şaxa ÎHD’ê ya Stenbolê, rapora binpêkirina mafan ên li Girtîgehên Herêma Marmara amede kirî dê li avahiya şaxa xwe ji raya giştî re aşkere bike. (12.30)
* Baroya Amedê ji bo bîranîna serokê berê yê baroyê Tahîr Elçî ku her hefte li ber Dadgeha Amedê çalakî li dar dixe dê vê hefteyê jî çalakiya bîranînê bidomîne. (13.30)
* Komîteya Amadekar a 1’ê Gulanê, li ber Operaya Sureya Kadikoy daxuyanî bi de çapemeniyê û ji bo tevlîbûna 1’ê Gûlanê Roja Cejna Karkeran bang bike. (14.00)
* Hevserokên Giştî yên HDP’ê Sezaî Temellî û Pervîn Bûldan, dê Şaredariya Bajarê Mezin a Amedê ziyaret bikin û dûre li ber Girtîgeha Tîpa E ya Amedê daxuyanî bidin çapemeniyê. (13.30-15.00)
* Hevserokên Giştî yên HDP’ê Pervîn Bûldan û Sezaî Temellî, dê Şaredariya Bajarê Mezin a Mêrdînê ziyaret bikin. (15.00)
* Platforma Şaxa KESK’ê ya Stenbolê, ji bo bîranîna kesên di 1’ê Gulana 1977’an de li Qada Taksîmê jiyana xwe ji dest dayîn dê li Hevraza Kazancî daxuyanî bi de çapemeniyê. (18.30)
*7'emîn Mîhrîcana Şano ya Amedê, dê li Salona Şanoyê ya Bajarê Amedê starta pêşandanên şoneyên xwe bide. (19.00)