Şaxa ÎHD’ê ya Edenê der barê lêpirsîn û dozên di 2 salên dawî de li endamê wan vebûne li avahiya xwe bi civîna çapemeniyê raporê aşkere kir. Endam û rêveberên ÎHD’ê beşdarî civînê bûn. Serokê Şaxa ÎHD’ê ya Edenê Parêzer Îlhan Ongur axivî û got ku pêvajoya piştî Komkujiya Pirsûsê dest pê kir ji tundiya polîtîkaya salên 90’î bihuriye û carek din vê tundiyê xwe nîşan daye. 

 

'BI ZEXT Û CEZAYAN RE RÛ BI RÛ NE’ 

 

Ongur da zanîn ku di 2 salên dawî li gel endam û rêveberên wan mafê mirovan parastine jî lê rastî lêpirsîn û cezayan hatine û gelek serokên şaxên komeleya wan rastî binçavkirin û girtinê hatine û gefên cezayan li endamên wan hatine xwarin. 

 

DER BARÊ 92 ENDAMAN DE 100 LÊPIRSÎN 

 

Ongur anî ziman ku der barê 92 endamên wan de bi tevahî 100 lêpirsîn hatine vekirin û daneyên di raporê de wiha rêz kir: 

 

“* Bi sucdariya “Li dijî qanûna civîn û xwepêşandanên meşan de muxalefet kiriye” der barê 22 kesan de bi tevahî 25 lêpirsîn. 

 

* Bi sucdariya “Li dijî qanûna civîn û xwepêşandanên meşan de muxalefet kiriye” ve “Li dijî karmend li ber xwe dan” der barê 11 kesan de bi tevahî 12 lêpirsîn. 

 

* Bi sucdariya "Propagandaya rêxistinê kirin” der barê 11 kesan de 12 lêpirsin. 

 

* Bi sûcdariya "Endamtiya rêxistinê” û “Propagandaya rêxistinê kirin” der barê 25 kesan de 27 lêpirsîn. 

 

* Bi sûcdariya "Li dijî dewletê heqaret kirin” der barê 11 kesan de 11 lêpirsîn. 

 

* Bi sûcariya "Li Serokomar heqaret kirin” der barê 6 kesan de 7 lêpirsîn. 

 

* Bi sûcdariya "Pesindana sûc û xûdar” der barê kesekî de lêpirsînek. 

 

* Bi sûcdariya "Li dijî karmend li ber xwe dan” der barê 5 kesan de 5 lêpirsîn. 

 

LI 17 KESAN CEZA HAT BIRÎN 

 

* Li 4 kesan bi sûcdariya “Li Serokomar heqaret kirine”, li 7 kesan bi sûcdariya “Propagandaya rêxistinê kirin”, li 3 kesan bi sûcdariya “Endamtiya rêxistinê” û li 3 kesan jî bi sûcdariya “Li dijî dewletê heqaret kirine” ceza hat birîn. 

 

DER BARÊ 75 KESAN DE LÊPIRSÎN DIDOME 

 

* Der barê 22 kesan bi sûcdariya “Li dijî qanûna civîn û xwepêşandanên meşan de muxalefet kiriye”, li 11 kesan bi sûcdariya “Li dijî qanûna civîn û xwepêşandanên meşan de muxalefet kiriye” û "Li dijî karmend li ber xwe dan”, li 22 kesan bi sûcdariya “Propagandaya rêxistinê kirin”, li 8 kesan bi sûcdariya “Li dijî dewletê heqaret kirin”, li 2 kesan bi sûcdariya “Li Serokomar heqaret kirin”, kesekî bi sûcdariya “Pesindana sûc û sûcdar” û der barê 5 kesan de bi sûcdariya “Li dijî karmend berxwedan û mukavemet kirin” lêpirsîna cezakirinê didome. 

 

'PARÊZVANÊ MAFÊ MIROVA WÎJDANÊ CIVAKÊ NE’ 

 

Ongur di dawiya raporê de got: “Parêzvanê mafê mirova wîjdana civakê ne. Her zext û êrîşa li dijî parêzvanê mafê mirova li dijî nirxên parastina azadiyê, aştî û wekheviyê ye. Em bang dikin ku demildest ev zext û êrîş rawestin.”