* Bîlal Ozgezer, ku li avahiya HDP'a Amedê ket greva birçîbûnê û 2 caran hat binçavkirin û hat girtin û paşê hat berdan, niha çalakiya xwe li malê didomîne. Ozgezer, got: "Em ê tecrîdê bişikînin. Gel jî bawer dike ku em ê tecrîdê bişikînin."
* Girtiyê li Girtîgeha Tîpa T a Şakranê Huseyîn Çig ku di sala 1999'an de li dijî radestkirina Rêberê PKK'ê Abdullah Ocalan bedena xwe da ber agir, niha jî li dijî tecrîdkirina Ocalan bedena xwe daye pêş mirinê û di grevê de bedena xwe dihilîne.
* Malbatên bi armanca piştgiriyê bidin girtiyên li dijî tecrîdkirina Rêberê PKK'ê Abdullah Ocalan ketine greva birçîbûnê, li ber Girtîgeha Gebze nobetê digirin û bang li her kesî kirin ku bêdeng nemînin û gotin: “Mirov hêj çawa li malên xwe rûdinên? Roj ne roja mirov li mala xwe rûnê. Em ê hêj çi winda bikin?"
* Hevseroka KCD'ê Leyla Guven, bi armanca tecrîdkirina Rêberê PKK'ê Abdullah Ocalan bi dawî bibe 158 roj in li ber xwe dide.
* Seroka Şaxa ÎHD'a Stenbolê Gulseren Yolerî, bal kişand ser grevên birçîbûnê yên li dijî tecrîdkirina Ocalan û got: "Divê hikûmet bi awayekî wekhev hiqûqê pêk bîne da grevên birçîbûnê bi dawî bibin."
* Derhêner Alî Ergul, bilêv kir ku rojeva sereke ya Forûma Avê ya Mezopotamyayê texrîbatên ku dê Bendava Ilisûyê li erdnîgariya Mezopotamyayê çêbike bûne.
* Xizmên girtiyên di greva birçîbûnê de, diyar kirin ku daxwaza girtiyan daxwaza wan e û gotin: "Divê cîhan hemû dengê xwe li dengê vê çalakiyê zêde bike. Di destê girtiyan de tenê çekek heye ew jî bedena wan e û wê jî dane ber birçîbûnê. Divê her kes bibe dengê jiyanê."
* Harbî Uste, diyar kir ku kurê wî Yîgît Uste yê di greva birçîbûnê de ji 55 kîloyan daketiye 45 kîloyan û got: "Bila gel destê xwe deyne ser wijdanê xwe."
* Qeyûmê Şaredariya Yenîşehîrê Serdar Kartal, berya hilbijartinê bi 3 rojan wesayîta meqamê ya şaredariyê bê bedêl ji bo 10 salan tahsîsî Qeymeqamtiya Yenîşehîrê kir.
* Der barê Parlementera HDP'ê ya Amedê Dersim Dag de fezleke hat amadekirin. Ji ber ku Dag li avahiya HDP'a Amedê li dijî tecrîdê ketiye greva birçîbûnê fezleke hat amadekirin.
* HDK wê 2'emîn civîna Meclîsa Giştî ya Serdema 9’emîn li avahiya Navenda Giştî pêk bîne. (10.00)
* KESK, wê Konferansa Aştiya Rojhilata Navîn di roja duyemîn de li Salona Navenda Çand û Hunerê ya Tarık Akan berdewam bike. (10.00)
* Jin Bi Hevre Bi Hêz in wê bi şîara “Zarok bêdeng nebin em jî bêdeng nabin" li pêş îskeleya Karşiyaka daxuyaniyê bidin çapemeniyê. (18.30)