Xizmên girtiyan ku ji dayikan pêk dihat bi armanca pîştevanîya çalakiyên greva birçîbûna yên li dijî tecrîdkirina Rêberê PKK’ê Abdullah Ocalan lî avahîya Baroya Amedê jî bo 3 rojan dest bî greva birçîbûnê kiribûn. Dayikan çalakiya xwe ya greva birçîbûnê bi dayîna daxuyaniya çapemeniyê bi dawî kirin. 

 

‘EM Ê NEBIN TEMAŞEVANÊN GREVÊN BIRÇÎBÛNÊ’

 

Daxuyanî bi beşdariya parlamenter, hevşaredar û rêveberên HDP’ê yên Amedê pêk hat. Li ser navê dayikan Nafiye Yigît axivî û wiha got: “Ji bo rawestandina şer û tecrîd bê rakirin me greva birçîbûnê dabû destpêkirin. Çalakiya Leyla Guven, girtîgehan, Ewrûpa û Başûr berdewam dike. Em bang dikin bila şer rawestînin. Bila her kesê dibêje ez mirovim guhd bide me. Em bang li hikumet û dewletê û bi taybetî li Serokkomar Erdogan dikim. Rewşa zarokên me giran e. Nikarin pêdiviyên xwe pêk bînin. Em ê wek dayikan çalakiyên xwe berdewam bikin. Em ê nebin temaşevanên grevên birçîbûnê. Dibe ku ew kor, kerr û lal bin lê em ê xwe wisa nekin. Em dibêjin ‘Êdî bes e.’ Bila destê aştiyê dirêj bikin. Bila ji hepsan darbest dernekevin. Cenazeyê 8 zarokên me hatin. Bila êdî şehadetên bi vî rengî pêk neyên.” 

 

Piştî Yigît, Alîkara Serokê Baroya Amedê Gazal Bayram Koluman jî axivî û got tişta bikeve ser milê wan dê pêk bînin. 

 

Piştî axaftinan xizmên girtiyan bi berzkirina dirûşma “Bijî berxwedana zîndanan” û “Leyla Guven rûmeta me ye” berz kirin û dawî li çalakiya xwe anîn.