Çalakiyên li dijî greva birçîbûnê ya bêdem û bêdorveger a li dijî tecrîdkirina Rêberê PKK'ê Abdullah Ocalan li girtîgehan û li derve berdewam dike. Hevseroka Kongreya Civaka Demokratîk (KCD) û Parlamentera HDP'ê ya Colemêrgê Leyla Guven, 156 rojin li dijî tecrîdê di grevê de ye. Endamê HDP'ê Nasir Yagiz li Hewlerê 143, 14 Çalakgeran Fransa û li Galler Îmam Şîş 117 rojin di grevê de ne. Li girtîgehên Tirkiye koma ewil 118 roj, bi hezaran girtî piştî 1'e Aderê dest pê kirin û 43 rojin di grevê de ne. Yek ji girtiyê di 1'ê Adarê de dest pê kir jî Yaşar Aslan ê li Girtîgeha Tîpa F-2 a Tekîrdagê ye. Yaşar Aslan ê 27 salin girtî ye, bi rêya malbata xwe peyam şand û wiha got: "Piştî me dest bi çalakiyê kir, zextên li ser me zêdetir bûn û tecrîd girantir bû. Demek dirêj e rojnameyê nadin me. Radyoyên me ji destê me girtin. Tenê televîzyonên nêzî hikûmetê bi me didin temaşekirin. Em nikarin çapemeniya biyanî bişopinin. Hevalên me yên 4 mehin di grevê de ne hene. Rewşa tenduristiya hevalên me giran in. Vîtamîna B-1  nadin wan. Niha em 7 hezar girtiyên siyakî di grevê de ne. Em ji niha de gihiştine serkeftinê." 

 

'DIVÊ EV BERXEDAN WEKÎ AŞÛTÊ MEZIN BIBE

 

Aslan, herî dawî bang li hemû kesên derve kir û wiha got: "Niha 7 hezar girti li girtîgehê di grevê de ne û li ber xwe didin. Ev serkeftinek mezin e. Em ji gelê xwe dixwazin ku her kes têkvin nava berxwedanê. Divê berxwedana gelê me wekî aşûtê mezin bibe. Me bedena xwe daye pêş mirinê û em li dijî tecrîdê radiwestin. Ya girîng divê ji milên din jî berxwedan mezin bibe. Divê her kes bibe berçelekî vê berxwedanê."