STENBOL – HDK'ê biryara YSK’ê ya der barê şaredarên hatin hilbijartin û bi hinceta bi KHK’ê hatine dûrxistin mazata wan nadin wan, şermezar kir û diyar kirin ku ev yek darbeya li dijî vîna gel e. HDK'ê anî ziman ku ew vê biryarê qebûl nakin û li hemberî vê biryarê bêdeng namînin.
Kongreya Demokratîk a Gelan (HDK), têkildarî biryara YSK'ê ya der barê şaredarên HDP'ê yên di 31'ê Adarê de hatin hilbijartin û piştre bi hinceta "Bi KHK'ê hatine dûrxistin" mazbata wan nadin wan bi daxuyaniyekê şermezar kir. HDK'ê daxuyaniya nivîskî da û anî ziman ku ew vê biryarê qebûl nakin û li hemberî vê biryarê bêdeng namînin. HDK'ê anî ziman bloka AKP-MHP'ê hewl dide encama hilbijartinê biguherîne û hêzê bi dest bixe. HDK'ê anî ziman ku bi mehan beriya hilbijartinê gef li gel xwarin ku wê şerê navxweşî derxin û wiha got: "Rejîma AKP-MHP'ê wekî berî her hilbijartinê li dijî HDP'ê operasyona binçavkirin û girtinê da destpêkirin. Dîsa hilbijêr ji bajarên cuda birin li wir qeyd kirin. Bi rêbaza guheztina hilbijêran hîle kirin. Di serî de HDP û hemu hêzên muxalif wekî dijmin nîşan da. Di serî de ajansa Anadolu û hemû çapemeniya wan encama hilbijartinê bêyî ku YSK aşkere bike aşkere kir û li gorî xwe hişek ava kir. Hêj hilbijartin bi encam nebû, Binalî Yildirim derket û got 'ez bi ser ketim' Xwest hilbijartinê xesp bike. Niha jî bi hinceta KHK'ê vîna gel xezp dike. Bloka AKP-MHP'ê di 31'ê Adarê de li Îzmir û Amed, Stenbol, Enqere, Edene, Antalya û Mêrsînê winda kir."
HDK'ê anî ziman ku ew vê biryarê qebûl nakin û li hemberî vê biryarê bêdeng namînin.