Şarederîya navçeya Şemrexê di dema dibin rêveberiya Partiya Herêmên Demokratîk (DBP) de bû, qeyûm tayin kirin. Di hilbijartina herêmî ya 31’ê Adarê de,  Partîya Demokratîk a Gelan (HDP) ji sedî 56.40  şaredarî qezenc kir û dîsan derbasî rêveberiya HDP’ê bû. Hevşaredarên HDP’î Nalan Ozaydin û Îbrahîm Çoko, piştî mazbata xwe girtin, bi gel re girseyî derbasê avahiya şaredariyê bûn. Hevşaredarên ketin avahiya şaredariyê bi talana qeyûmê re rû bi rû man. 

 

WELATÎ ŞEKIR Û ÇAY STANDIN 

 

Hevşaredaran sereke ji bo tespît kirina deyn û firotina neguhesbarên şaredariyê bi Midurê Jimaryariyê re hevdîtin pêk anîn. Hevşaredaran piştre ji gel re çay xwestin, lê dîtin ku dema qeyûm ji şaredariyê derket şekir, çay û şûşeyên di çayxaneya de jî bi xwe re biriye. Li ser vê yekê welatiyan ji şaredariyê re şekir, çay û şûşe standin. 

 

MIDÛRÊ JIMARYARIYÊ QEYÛM PARAST

 

Midûrê Jimaryariyê derbarê valekirina çayxaneyê de qeyûm bi gotinên “Şaredar hemû deynên şaredariyê da û tişten nû ji şaredariyê re nestand. Ji ber vê yekê çayxane vale ye” parast. Hevşaredarên Şemrexê derbarê mijarê de ji Ajansa Mezopotamya (MA) re axivîn û gotin qeyûm şaredarî talan kiriye. 

 

‘ŞEKIR Û ÇAY JÎ BI XWE RE BIRINE’

 

Hevşaredar Nalan Ozaydin anî ziman ku gelê Şemrexê xwedî li vîna xwe derket û wiha axivî: “Em bi gelê xwe re derbasî avahiya şaredariyê bûn û em bi talana qeyûmê re rû bi rû man. Binêrin şekir û çaya di çayxaneyê de jî bi xwe re birine. Hişmendî heman hişmendiye. Hişmendiya vîna gel dagirkir, tişten şaredariyê de jî dagir kiriye. Em ê talana qeyûmê ji gelê xwe re ragihênin.”

 

‘JI BILÎ MASE Û SENDELIYÊN KEVIN TU TIŞT NE HÊLANE’

 

Hevşaredar Îbrahîm Çoko jî, da zanîn ku di avahiya şaredariyê de ji bilî mase û sendeliyên kevin tiştek ne hêlane û wiha got: “Ji gelê me re çay jî ne hêlane. Em ê bi rakirina amûrê X-Ray’ê ya li ber deriyê şaredariyê rakirinê dest bi kar bikin. Em ê şaredariyê ji gelê xwe re vekin.”

 

MA/ Ahmet Kanbal