ÎZMÎR – Pêkhateyên HDP’ê diyar kirin ku wan di hilbijartina herêmî ya 31’ê Adarê de dersek baş dan tifaqa AKP-MHP’ê û gotin: “Bi taybetî stratejiya HDP’ê ya bajarên mezin bi AKP’ê dayîna windakirin, biryardariya demokrasiyê bû.”
Di çarçoveya stratejiya Partiya Demokratîk a Gelan (HDP) a di hilbijartina herêmî ya 31’ê Adarê şopand de, di serî de metropolên mezin û gelek bajarên din bi tifaqa AKP-MHP’ê da winda kirin. HDP’ê di heman demê de ligel ewqas zext û hîleyan jî gelek şaredariyên qeyûm tayînê wan hatibûn kirin, qezenc kirin. Hevberdevka Kongreya Demokratîk a Gelan (HDK) ê ya Îzmîrê Ayşe Yilmaz û Rêveberê Partiya Avakirina Ji nû de Sosyalîst (SYKP) Bulent Gungor, encamên hilbijartina herêmî nirxandin.
‘HILBIJÊRÊN HDP’Ê ŞENSEK DAN CHP’Ê’
Ayşe Yilmaz, diyar kir ku HDP’ê bi stratejiya xwe dersek baş da hikumetê û wiha axivî: “Tifaqa AKP- MHP’ê di pêvajoya hilbijartinê de her tim HDP kir hedef. Ligel vê yekê jî eleqeyek mezin ji bo HDP’ê hebû. HDP di hilbijartinê de xwedî rolekê kîlît bû. Ger CHP’ê li 8- 10 bajarên mezin qezenc kiribe, bi saya HDP'ê ye. Teqez divê CHP heza HDP’ê biçûk nebîne. Hilbijêrên HDP’ê, şensek dan CHP’ê. Divê CHP jî peywira dikeve ser milê wê pêk bîne.”
‘HIMUMET BÊDENG E’
Yilmaz, di dewama axaftina xwe de wiha got: “Çav û guhê gelên li metropolan dijîn, li ser Kurdistanê ye. HDP’ê hemû şaredariyên qeyûm tayin kiribûn qezenc kirin. Zextên îro li ser HDP’ê li ser tu partiyan tuneye. Di vê hilbijartinê de jî rastiya AKP- MHP û dîktay yek zilamî hat dîtin. Di ser hilbijartinê hefteyek derbas bû. Nêzî hefteyekê ye hikumet bêdenge. Wan jî fêm kir ku ev welat bi zextan nayê birêve birin.”
‘DI SAYA HDP’Ê DE WINDA KIRIN’
Yilmaz, da zanîn ku ji vir û şûn de rêxistinbûyîna herêmî girînge û wiha bi dawî kir: “Tekane tişta bi AKP û MHP’ê bi de windakirin, rêxistinbûyîne. Em niha hewldana vê yekê didin. Bi taybetî em ê li metropolan xwe ji nû de birêxistin û mezintir bikin. Ji bo têkoşînek bi hez em li ser rê ne. Di vê hilbijarinê HDP’ê qezenc kir û da windakirin. Bêyî şoreşger û demokratan kes nikare li ser vê erdnîgariyê rêvebertiyê bike.”
‘EV BIRYARDARIYA DEMOKRATÎK A HDP’Ê BÛ’
Rêveberê Partiya Avakirina Ji nû de Sosyalîst (SYKP) Bulent Gungor jî, diyar kir ku hilbijartin dibin zextên pir mezin de hat kirin û wiha axivî: “31’ê Adarê fînal bû. HDP bi awakê pir rast stratejiya xwe ya hilbijartinê diyar kir. Dibe ku HDP’ê li hin bajaran encama dixwest bi dest nexist. Hemû kes jî dizane li van bajaran zextên mezin ên dewletê hebûn. Ger hilbijartin li gorî dihat xwestin pêk bihata, HDP’ê dê serkeftinên mezintir bi dest bixista. HDP’ê ji serkeftina xwe zêdetir tekoşîna demokratîk bûyîna Tirkiyeyê da. A rastîn HDP’ê ji hebûna xwe zêdetir, li dijî rejîma yek zilamî û tatalîter bû berdevkê hêzên demokratîk. Ji ber vê bû partiyekê ku herî zêde ket rojevê. Bi taybetî stratejiya HDP’ê ya bajarên mezin bi AKP’ê dayîna windakirin, biryardariya demokrasiyê bû. Gelê Kurd û hemû hêzên demokratîk ên rojava, di ferqê dene ku ev hilbijartin ne hilbijartinek herêmî bû.