Di hilbijartina 31'ê Adarê de gelek bajarên mezin ji dest AKP û hevkarê wê MHP'ê derketin. Li herêmê jî HDP'ê piraniya şaredarên qeyûm tayînî wan hatin kirin bi dest xist. 

 

‘HDP'Ê FERAXET KIR' 

 

Pisporê Rojhilata Navîn Rojnamevan Îslam Ozkan, destnîşan kir ku AKP'ê winda kiriye û di hilbijartinê de di warê matematîkî de MHP û CHP bi ser ketine. Ozkan, stratejiya HDP'ê jî nirxand û got: "Mirov dikare bêje ku HDP, aktorê nepen ê hilbijartinê bû. HDP, bi awayekî fermî û şiklî winda kir, ji dengên xwe ferxaet kir lê belê stratejiya wê bi ser ketiye. Her wiha derket holê ku stratejiya îktîdarê ku di ser meseleya bekayê re kir jî bi ser neket. Êdî gel baş dizanin, çi beka ye û çi ne beka ye." 

 

‘HILBIJÊRÊN MUHAFAZAKAR GUHÊ AKP'Ê KIŞANDIN' 

 

Ozkan, bilêv kir ku vê carê hilbijêr ne bi ruhekî fanatîkî, bi awayekî rasyonel tev geriyane û got: "Hilbijêran nîşan da ku ew çawa terka partiyên ku bi salan e dengê xwe didin wan dikin. Stratejiya HDP'ê li Stenbol, Enqere û bajarên din ên mezin bi kêr hat. Wisa difikirim kesên berê deng didan HDP'ê hinekî fikrên xwe guhertine. Yanî bi kurt û kurmancî ên guhê AKP'ê kişandin dîsa aktorên civakiyî yên oldar û muhalafazkar bûn. Her wiha divê mirov li sosyolojiya hilbijêran jî binere. Tifaqa Cumhûrê li bajarên mezin winda kir. Belkî em nikaribin behsa sosyolojiyeke westdar bikin, lê em karin îşaret bi hilbijêrên ku tiştên hêvî dikirin pêk nehatiye bikin. Sedemeke ku hilbijêrên bajariyî ji AKP'ê dûr ketin jî ev e. Her çend li bajarên mezin windakirina AKP'ê wekî xizmetê tê nîşandan jî, lê belê ev ji ber nelirêtî û bêwesfbûyînê ye. Her wiha betonarmeya her diçe zêde dibe û di bin navê xizmetê de bajarên ku veguherîne goristanên rezîdansî jî tê de. Yanî divê mirov bibêje hişmendiya civakiyî zêde bûye. Lê belê mirov nikare heman tiştî ji bo herêmên bejahiyş bêje." 

 

‘HDP, AKTOREKE WISA YE KU DIVÊ NEYÊ PIŞTGUHKIRIN' 

 

Ozkan, bi bîr xist ku HDp aktoreke wisa ye ku divê neyê piştguhkirin û got: "HDP, careke din nîşan da ku ne aktoreke ku bê piştguhkirin. HDP, bi stratejiya xwe li herêmên rojavay li hemberî AKP'ê careke din xeta Tirkiyebûnê ku Selahattîn Demîrtaş da destpêkirin nîşan da. Careke din pesend kir ku bi qasî bajarên kurdan, hebûna xwe li bajarên rojavayêw elat jî didomîne." 

 

‘FELAKETEKE MEZIN LI BENDA ÎSLAMPARÊZA YE' 

 

Ozkan, destnîşan kir ku wê ji niha û pê ve AKP'ê hîn bêtir têkeve rêgeha MHP'ê û got: "Di polîtîkaya AKP'ê ya der barê Sûriyeyê de û mijarên din de hin nîşane hene ku wê di ser bilêvkirineke otorîter û netewperest de xwe ji nû ve ava bike. Di pêvajoya bê de, dixwazim balê bikişînim ser berpêbûyîna ciwanan. Piraniya ciwanên ku cara ewil deng bi kar anîne, wisa xuya dike dane partiyên ji xeynî AKP û MHP'ê. Wê ev di salên pêş de bi awayekî cidî xwe nîşan bide. Ji ber AKP û oldaran olê nebaş temsîl kirin, wê di rojên pêş de alîgirên pêngavên sekuler û laîk zêdetir bibin. Lê eger îslamparêzî li ser esasên heqaniyet û edaletê tev bigere û çanda berxwedanê ya li hemberî zilmê ji teoriyê wêdetir bibe dibe ku şansekî wê hebe. Lê eger venegere hêla entelektuelî û temsîliyeta hêzdar a di demên dawî ya Osmaniyan de, felaketeke mezin li benda îslamparêzan e."