AMED – Li Bismilê, ji ber hilbijartina keyatiyê keyayê nû û xizmên wî pev ketin. Her du alî bi kevir, dar û çekan êrîşê hev kirin. Di şer de gelek kes birîndar bûn.
Li Navçeya Bismila Amedê, ji ber hilbijartina keyatiyê keyayê nû yê gundê Boçelî û xizmê wî namzetê keyatiyê bi hev ketin. Li Kuçeya Hunerê keyayê nû Tevfîk Bozçali û xizmê wî namzetê keyatiyê Aga Bozçali ji ber munaqeşeyeke sedema wê nehat hîn bûn ketin qirika hev. Paşê her du alî pev ketin û bi kevir, dar û çekan êrîşî hevdu kirin. Di şer de gelek kes birîndar bûn.
Kesên birîndar bûn bi ambulansê rakirin Nexweşxaneya Dewletê ya Bismilê.