NAVENDA NÛÇEYAN - Komîsyona Mafê Jinan û Wekheviya Zayendî ya Parlamentoya Ewropayê konferans pêk anî. Di konferansê de Endama Meclîsa Jinan a Roj Turkan Ozcan nameya ku Leyla Guven ji Parlamentoya Ewropayê (PE) re nivîsîbû xwend. Guven di nameya xwe de wiha got: “Bawer bikin ez bi hemû hêza xwe li dijî tecrîdê têdikoşim. Ji ber sedemên pêkenok û bi êş bi hezaran mirovan li dijî tecrîdê bedena xwe daye ber birçîbûnê. Min ji xeynî rêbaza greva birçîbûnê êdî tu rêyên din nedît."
Komîsyona Mafê Jinan û Wekheviya Zayendî ya Parlamentoya Ewropayê konferans pêk anî. Di konferansê de Parlamentera HDP'ê ya Îzmirê Serpîl Kemalbay, Parlamentera HDP'ê ya berê Besîme Konca Nûnerê HDP'ê yê Ewropa Eyyup Doru, Ji Tevgera Jinên Kurd a Belçika TJK-B Cihan Yalçin û Endama Meclîsa Jinan a Roj Turkan Ozcan amade bû. Di konferansê de Parlamentera HDP'ê ya Îzmirê Serpîl Kemalbay, axivî û wiha got: "Leyla Guven li dijî tecrîdkirina Rêberê PKK'ê Abdullah Ocalan 146 roj in di greva birçîbûnê de ye. Ji bo tecrid bi dawî bibe û pirsgirêka kurd bi rêyên aştiyane çareser bibe bi hezaran girtî di grevê nin. Leyla Guven naxwaze ji girtîgehan tabût derkeve, dixwaze li Tİrkiyê dawî li nehiqûqiyê were û ji bo we namyek şandiye. "
GUVEN: JI XEYNÎ GREVÊ WEKÎ DIN RÊYÊ TEKOŞÎNÊ NEMA
Endama Meclîsa Jinan a Roj Turkan Ozcan nameya ku Leyla Guven ji Parlamentoya Ewropayê (PE) re nivîsîbû xwend. Guven di nameya xwe de wiha got: “Bawer bikin ez bi hemû hêza xwe li dijî tecrîdê têdikoşim. Ji ber sedemên pêkenok û bi êş bi hezaran mirovan li dijî tecrîdê bedena xwe daye ber birçîbûnê. Min ji xeynî rêbaza greva birçîbûnê êdî tu rêyên din nedît. Divê civaka navnetewî guh bide daxwazên girtiyan. Mîna Bobby Sands ê Îrlandî ku 1981'an piştî 66 rojan a greva birçîbûnê jiyana xwe dest dayî, ez jî amade me ku jiyana xwe bidim. Li tevahiya cîhanê hevgirtina jinan heye. Ev hêzê dide min. Divê ev hevgirtin bêhtir bê geşkirin. Rewşa min û hevalê min ketiye ber rewşeke krîtîk. Ez bang li hemû jinan dikim. Li dijî pergala baviksalar a global em bi hev re dikarin têbikoşin. Em bawer dikin ku em dikarin cîhaneke dî ava bikin. Ez bawer dikim ku ev ê bi dest jinan were avakirin.''
FORENZA: EM DEYNDARÊ JINÊN KURDAN IN
Wekîla Italî Eleonor Forenza jî bal kişande ser daxwaze çalakgerên greva birçîbûnê û got: "Êm li hemberî jinên Kurd xwe deyndar dibîn. Jinên Kurd hîn bûne ku dîsa li ser siyasetê bifikirin. Biya min em deyndar in. Em bi desteka ji bo Leyla Guven dikarin deynê xwe bidin.''
BJORK: EV TÊKOŞÎN JI BO AŞITIYÊ YE, LI DIJÎ FAŞÎZMÊ YE
Ji Partiya Çep a Swêdê parlamentera PE Malîn Bjork diyar kir ku ev têkoşîn heman demê ji bo aşitî û li dijî faşîzma Erdogan e û got, ji bo Leyla Guven û hevalên wê pêdivî bi Tirkiyeyeke demorkatîk heye û slav ji Leyla Guven re şand.
WARD: EGER EM BI HEVRE BIN DIBE KU HINEK TIŞTAN BIGÛHERÎNIN
Parlamentera Îngîlîz Jûlîe Ward jî got; “Dema ku em bihevre bin dibe ku hinek tiştan biguherînin.” Ward got divê komîsyona bi her rêbazî bikeve nava tevgerê.
KEMALBAY: DIVÊ PE DELEGASYONEKÊ BIŞÎNE
Piştî axaftinan dîsan Kemalbay mafê axaftinê girt û got ev şêweyek yê piştevaniyê ye û gelek girîng e. Kemalbay spasiya Margaret Owen a 85’ê ku li Îngîltereyê kete greva birçîbûnê, kir û wiha got: "Divê PE delegasyonekê bişîne û ji bo ku Komîteya Pêşîlêgirtina Êşkenceyê (CPT) rola xwe bileyze zext lê bê kirin.