QERS - Hevşaredarên Qersê yên HDP'ê Şevin Alaca û Ayhan Bilgen, piştî di hilbijartinê de bi ser ketin bi gel re hatin cem hev. Bîlgen, di hevdîtina gel de axivî û wiha got: "Îro li vî bajarî pêdivî bi seferberiyê hneye. Divê em hemû bi hevre destê xwe bidin hev û bi hevre pirsgirêkên xwe çareser bikin.
Li Qersê Partiya Demokratik a Gelan (HDP) di hilbijartinê de bi ser ket. Piştî HDP bi ser ket, Hevşaredarên HDP'ê yên Qersê Şevin Alaca û Ayhan Bilgen bi gel re hatin cem hev. Di civîna bi gel re Hevşaredar Şevîn Alaca, diyar kir ku ew dê gelê Qersê tev li biryarê bikin û bi hevre Qersê bi rêve bibin. Alaca ji hemû gelê Qersê yên çûn ser sindoqan û li sindoqan xwedî derketin re spasiyên xwe anîn ziman.
Hevşaredarê Qersê Ayhan Bilgen jî anî ziman ku pirsgirêkên lezgîn ên li Qersê bên avakirin hene û wiha got: "Em ê Qersê bi hevre bi rêve bibin. Me pêşbirga hilbijartinê duh qedand. Em bêyî têkevin nava fenatîzma partiyan em dê bi hemû gelê Qersê re bajar bi rêve bibin û pirsgirêkên bajar bi hevre çareser bikin. Gelê bajar xizmetê dixwaze."