Hîndekarê Zanîngeha Dîlokê Eyûp Ay ku di hilbijartina 7'ê Hezîranê de bernamzetê AKP'ê bû, diyar kir ku AKP stratejiya hilbijartinê di çarçoveya "pirsgirêka bekayê" û "krîmînalîzekirina muxalîfan" de bi rê ve dibe, lê belê wê ev stratejî dengan ji AKP'ê re neyne û wê AKP winda bike. 

 

Ay, destnîşan kir ku li Dîlokê şaredariya mezin û şaredariyên navçeyên navendî Şehîtkamîl û Şahînbeyê ji dêvla ji bo welatiya bixebitin, tenê ji bo rantê li ranta çend pîşesazan zêde bikin dixebitin û got: "Lê belê li vî welatî me dît, îktîdara ANAP û DSP'ê bi hilbijartinekê serobino bûn. Wê AKP, di hilbijartina 31'ê Adarê de derbeke giran bixwe." 

 

MESELEYA BEKAYÊ Û KRÎMÎNALÎZEKIRINA MUXALEFETÊ 

 

Ay, destnîşan kir ku Îtifaqa Cumhûrê bi vê stratejiyê dixwaze rêjeya dengên xwe zêde bike, lê belê di anketên dawî de aşker dibe ku ev stratejî rêjeya dengên wan zêde nake û îflas kiriye. Ay, bilêv kir ku Îtifaqa Cumhûrê xebateke agresîf bi rê ve dibe û got: "Dixwaze bi krîmînalîzekirina partiyên muxalif rêjeya dengan zêde bike. Lê belê dîroka Tirkiyeyê nîşan dide ku wê ev bi ser nkeve. AKP, di vê hilbijartinê de projeyeke cidî nehavêtiye holê. Di nav sozên wan de Tirkiyeyek baştirîn, Dîlokeke baştirîn tun ye. Karîzmaya polîtîka a Recep Tayyîp Erdogan tê bikaranîn û dixwazin bi vî awayî bi ser bikevin. Ev taktîk e. Lê wisa difikirim wê ev taktîk bi kêr neyê." 

 

RANT 

 

Ay, diyar kir ku tevî Şaredariya Mezin a Dîlokê şaredariyên din ên AKP'ê li gor normên bajarvaniyeke modern naxebitin, bêtir bi mantiqa rantê û zêdekirina rantê dixebitin. Ay, destnîşan kir ku Dîlok jî bi vê mantiqê tê birêvebirin. 

 

Ay, anî ziman ku Şaredarê AKP'î yê Şaredariya Şehîtkamîlê Ridvan Fadiloglû ji dêvla guh bide pirsgirêkên welatiyan gotiye: "We ez nehilbijartim. We reîs hilbijart. Reîs jî ez tayînî vira kirim. Ez ne mecbûr im bibim muxatabê we." Ay, bilêv kir ku ev tê wateya ku şaredar xwe berpirsiyar hîs nakin. 

 

Ay, destnîşan kir ku Namzetê DSP'ê yê Şaredariya Mezin a Dîlokê Celal Dogan bi awayekî cidî tev digere û got: "Niha Namzeta Îtifaqa Cumhûrê şaredara heyî Fatma Şahîn e. Lê belê tu vîzyoneke Fatma Şahînê ya ji bo Dîlokê tune ye. Nikare projeyên rasteqîn hilberîne. Lê dîsa jî hîtimaleke ku AKP bi ser bikeve. Celal Dogan, pêş dikeve. Niha hilbijartin di navbera Celal Dogan û Fatma Şahîn de ye. Ji ber di HDP'ê de siyaset kiriye tê rexnekirin. Lê Dogan ji bo vê vê yekê ji holê rake pir hewl da. Wê li Dîlokê dengên Îtifaqa Mîlletê rewşê diyar bikin. Eger namzetê Îtifaqa Mîlletê Ejder Demîr ji sedî 20'ê dengan bigire, wê şensê Celal Dogan zêdetir bibe."