DÊRA ZOR - DAIŞ’a ku bi êrîşên xwe yên bombeyên zindî, bi wesayîtên xwe ketina nava girseyê û bi çekên xwe yên giran êrîşî navên sîvîlan ên qelebalix kirinê, tirs li cîhanê belav kiribûn, li Dêra Zorê li hemberî hêzên QSD’ê binketin qebûl kirin û kom bi kom teslîm dibin.
Operasyonên dayî yên Hêzên Sûriyeya Demokratîk (QSD) ên li dijî DAIŞ’ê yên li gundê Baxoz a girêdayî bajaroka Hecîn a Dêra Zorê berdewam dikin. Şervanên QSD’ê yên li Baxozê 15 cihên din ji DAIŞ’ê paqij kirin, bi sedan DAIŞ’iyên din jî teslîm girtin. Dinava DAIŞ’iyên teslîm bûyîn de, ji welatên Tacîkîstan, Ozbekîstan, Turkmenîstan, Turkîstan û Azerbaycan ên weke welatên Komarên Tirkî tên zanîn hene.
Li gundên Baxozê hîna jî bi hezaran DAIŞ’î û malbatên wan hene. Di haman demê operasyonên hêzên QSD’ê yên li dijî DAIŞ’iyên naxwazin teslîm bibin û şer bikin, berdewam dikin. Her çiqasî DAIŞ’î êrîşî cihên QSD’ê rêzgar kirin dikin jî, demildest ev êrîş tên şikandin. DAIŞ’iyên hêza wan şikiyayî û naxwazin teslîm bibin jî, xwe li ber hêza QSD’ê nagirin û yek bi yek teslîm dibin. Şervanên QSD’ê korîdoreke xetê ya şer lê pir kêm kirî vekiriye û DAIŞ’iyên di vê xetê de teslîm dibin, digire.
JI WELATÊN KOMARÊN TIRKÎ DAIŞ’Î HENE
Kêliyên teslîm bûna DAIŞ’iyan dem bi dem dikevin ber kamerayên Ajansa Mezopotamya (MA). Piraniya DAIŞ’iyên teslîm dibin, ji koma “Muhacîrûn” ên biyanîne. Dinava DAIŞ’iyên teslîm dibin de ji welatên Hollanda, Fransa, Elmanya, Kanada, Afrîka Bakur, Endonezya, Hindistan, Suudî Erebistan, Iraq, Fas, Tûnûs, Lîbya, Cezayîr, Misir û Tirkiyeyê kes hene. Di heman demê de ji Sûriyeyê jî hin kes hene. Dîsan dinava DAIŞ’iyên teslîm bûyîn de, ji welatên Tacîkîstan, Ozbekîstan, Turkmenîstan, Turkîstan û Azerbaycan ên weke welatên Komarên Tirkî tên zanîn hene.
JI STENBOLÊ DERBASÎ SÎNORÊ SÛRIYEYÊ HATINE KIRIN
Piraniya kesên teslîm bûyîn dibêjin ku ew di sala DAIŞ’ê li Sûriyeyê xîlafet îlan kir de, beşarî DAIŞ’ê bûne û ji Tirkiyeyê derbasî Sûriyeyê bûne. Sînorên ku tê re derbas bûne jî weke Kîlîs-Bab, Dîlok-Cerablûs û Riha-Girê SPî (Tîl Ebyad) nîşan didin. Piraniya DAIŞ’ên teslîm bûyîn, destpêkê hatine Stenbol û ji wir jî anîne bajarên nêzî sînorê Sûriyeyê.
DI PEVÇÛNÊN CUDA DE BIRÎNDAR BÛNE
DAIŞ’iyên biyanî yên bi malbatên xwe re teslîm bûyîn, hema bêje hemû xwe weke “mucahît” pênase dikin. Gelek DAIŞ’iyên her roj kom bi kom teslîm dibin, li ser wan kincên leşkerî hene û ji nivî zêdetir, di pevçûnên cuda de birîndar bûne.
MA / Nazim Daştan