DÎLOK – Parêzerê xwendekarê Lîseyê Ekrem Gorkan yê polîsan bi hinceta li hişyariya "Raweste" guhdar nekir nekir û kuşt, Prz. Bulend Dûran, zagona ewlehiyê rexne kir û wiha got: "Piştî zagona ewlehiya navxweyî li meclisê erê kirin, polîs bêtir bê kontrol çekan bisar tîne û erka ku polîs çekan bêsînor bikar bînin zêde bû. Bi vê zagona ewlehiyê polîs dikujin û daraz çavê xwe jêre digire."
Li Dîlokê di 31'ê Kanûna 2017'an de polîs Hasan Bîlkî, bi îdîya li hişyariya "Raweste" guhdar nekir gule berda xwendekarê lîseyê Ekrem Gorkem Karakan ê 16 salî û ew bi giranî birîndar kiribû. Gorkem piştî 14 rojan li nexweşxaneyê derman bû, jiyana xwe ji dest dabû. Piştî bûyerê doz hat vekirin, lê heta niha doz bi encam nebûye. Sibê 5'emîn danişîna dozê dê bê dîtin. Parêzerê Ekrem Gorkem Bulent Duran, bal kişand ser rewşa dosyayê û anî ziman ku heta niha di pêşketina dosyayê de tu gav nehatiye avêtin. Parêzer Bulent Dûran, anî ziman ku tê payin ku sibê biryarê bidin û wiha got: "Heyeta dadgehê dixwaze demek berî demekê biryarê bidin û ser dosyayê bigirin. Duran, anî ziman ku ew bûn şahid ku heyeta dadgehê çavê xwe ji bûyera ku polîsan li ber çavan ciwanê 16 salî kuşt re digire û wiha got: "Heyet dixwaze ne ne bi zanebûn kuştiye û ji halê baş cezayê herî hindik li polîsê bersûc bibire û serbest berde. Ev yek jî dê bibe sedem ku em nikaribin li dadgeha bilind îtîraz bikin.
NE BÊ HEMDÎ YE BI ZANEBÛN E
Duran, anî ziman ku dozger dixwaze polîs ji sûcê "bi zanebûn kuştiye" bê cezakirin û wiha berdewam kir: "Ev cînayetek bi zanebûn hatiye kirin. Bincilkirina vî cînayetî li diji hiqûqê ye. Sedema şênber ya vê fikra me heye. Di serî de em dibêjin delîl tên reşkirin. Em di vê dosyayê de pir aşkere dibînin ku delîl tên reşkirin. Ji bo em bigêjin rastiyên maddî hemu daxwazên me ji aliyê heyetê ve tên redkirin. Sibê dê danişîn bê dîtin. Heyet dê biryarê aşkere bike. Em dê der barê dosya lêpirsînê de serlêdana sûc bikin. Em dê der barê hemû polîsên li cihê bûyerê de serledana sûc bikin."