RIHA – Nûçegihanê rojnameya Ozgur Gundemê Nazim Babaoglu yê 25 sal berê ku ji bo îstîxbarata nûçeyekê çû Siwêregê û carek din agahî jî nehat girtin. Birayê Babaoglu, Cemal Babaoglu got: “Ancak her kes dibîne ku çavê Nazim li paş nema. Kevneşopiya çapemeniya azad didome.”
Nazim Babaoglu li Rihayê nûçegihaniya rojnameya Ozgur Gundemê dikir. Li ser telefonkirina îstîxbarata nûçeyekê Nazim Babaoglu rabû û berê xwe da navçeya Siwêregê ya Rihayê. Ji wê rojê heta niha tu agahî ji Babaoglu nehatiye girtin. Tevî ku 25 sal bi ser windakirina Babaoglu re derbas bûn hêj faîlê wî nehatine dîtin.
Birayê Babaoglu, Cemal Babaoglu yê 25 sal e ku ji bo dîtina birayê xwe û faîlê wî têdikoşe behsa birayê xwe kir. Babaoglu diyar kir ku piştî birayê wî ji lîseyê mezûn bû dest bi rojnamegeriyê kir û di 12’ê Adara 1994’an de çûye nûçeyê carek din venegeriya. Babaoglu da zanîn ku windakirina birayê wî mafê azadiya agahî girtinê yê gel ji holê hat rakirin û got: “Ancak her kes dibîne ku çavê Nazim li paş nema û kevneşopiya çapemeniya azad didome.”
Babaoglu diyar kir ku wan heta niha şopek windabûna birayê xwe hîn nebûne û tevî ku agahiyên sitendin û şahidên hebûn jî di dema lêpirsînê de darazê pir guh pê nekir.
DOSYA LI AYM’Ê YE
Babaoglu anî ziman ku li gel şahidên bûyerê hebûn jî lêpirsîn veneguherî dozê û got: “Şahidek çû Amedê ji dozger re got ku Nazim li mala kî dîtiye û nav dan. Ancak dozger vî şahidî jî pişt guh kir. Me di 2008’an de serî li darazê da, lê dîsa bi hêceta delîl têrê nakin biryara neşopandinê da. Niha dosye li Dadgeha Destûra Bingehîn tê rawestandin. Em ji wir biryara redê werbigirin em ê dozê bibin Dadgeha Mafê Mirovan a Ewrûpa.”
'ZÎNIYETA ÇÎLLER BI AKP’Ê DIDOME’
Babaoglu destnîşan kir ku waliyê demê Ziyaeddîn Akbulut yek ji şahidên herî mezin ê bûyerê ye û tevî ku navê walî Akbulut di dosyeya kesên hatin kuştin de derbas dibû jî lê dozger bi tu awayî îfadeyên walî negirt. Babaoglu wiha got: “Walî di 2000’an de teqewît bû. Pişt re 3 serdeman parlamenteriya AKP’ê ya Tekîrdagê kir. Me ewilî got bila îfade bide. Ancak di serdema AKP’ê de lêpirsîn hat piştguhkirin. Li gorî dewletê tekane sûcê Nazim,i Kemal û Huseyîn ew bû k udi rojnameyê de dixebitîn. Zîhniyeta Çîler a wê demê niha bi AKP’ê dewam dike. Aqilê vê dewletê neçar e bi xwe re hevrû bibe. Nexwê ev zihniyet her ku kurdan bikuje, dê siberoja jiyana gelê tirk jî bidize.”
'DIVÊ DEWLET BI BÊHIQÛQIYA XWE RE HEVRÛ BIBE’
Babaoglu diyar kir ku dewlet ji bo çapemeniya azad bêdeng bike bi salan e her rêbazê bikar anî û got: “Lê tevî van rêbazan jî 25 sal e bi ser neketiye. Ji ber vê yekê ye ez dibêjim çavê Nazim li paş nema. Divê êdî dewlet muhaseba 25 salan bike û bi bêhiqûqiya ku kiriye re hevrû bibe. Divê bibînin ku her roja ku diçe tevî hemû zextan jî çapemeniya azad mezin dibe û karê xwe dike."