DERSÎM - Şaxa ÎHD'ê ya Dersimê, girtin, binçavkirin û cezayê ku li endam û rêveberên wan hatiye birîn bi civîna çapemeniyê şermezar kir.
Şaxa Komeleya Mafên Mirovan (ÎHD) a Dersimê li dijî girtin û cezayê li endam û rêveberên wan tê birîn daxuyanî da çapemeniyê. Komeleyê, piştî dadgehê ceza li rêvebereyê Komeleyê Ozgur Ateş birî û sazumankarê komeleyê Riza Dalkiliç hat girtin, li avahiya xwe civîna çapemeniyê pêk anî. Hevseroka HDP'ê ya Dersîmê Ozlem Toprak jî beşdarî daxuyaniyê bû. Serokê Şaxa ÎHD'ê ya Dersîmê Gurbuz Solmaz, diyar kir ku sazumankarê komeleyê Ozgur Ateş, di 5'ê Tîrmeha 2017’an de hat girtin û di danişîna 13'ê mijdara 2018’an de 6 sal û 3 meh ceza lê birîn û wiha got: "Sazumankarê me Riza Dalkılıkç, di 14'ê mijdarê de hat binçav kirin û girtin. Ozgur Ateş û Riza Dalkiliç di her şert û mercan de têkoşîna parastina mafên mirovan dane. Ji bo rê li peş binpêkirina mafan bigire têkoşiya ne. Em dixwazin bi lez Rêveberên me bên berdan û cezayê li wan hatiye birîn betal bibe."