MÊRDÎN - Parlamentera HDP'ê ya Mêrdînê Ebrû Gunay, bi armanca Wezîra Xizmetên Civakî û Xebatê ya Malbatê Zehra Zumrut Selçuk bibersivîne pirsname da meclîsê. Gunay, diyar kir ku îdîayên kesên serî li ÎŞKUR'ê didin şertê endamtiya AKP'ê dispêrin wan raste ya na.
Parlamentera HDP'ê ya Mêrdînê Ebrû Gunay, bi armanca Wezîra Xizmetên Civakî û Xebatê ya Malbatê Zehra Zumrut Selçuk bibersivîne pirsname da meclîsê. Gunay, diyar kir ku îdîayên kesên serî li ÎŞKUR'ê didin şertê endamtiya AKP'ê dispêrin wan heye û wiha got: "Her sal bi hezaran kesan weki karkerên demborî digirin kar. Dema di serledana kar a ÎŞKUR’ê de nelirêtiyên gelek mezin pêş dikevin. Di stendina kar de tê îdîakirin ku şertên ku endamê AKP'ê be dispêrin welatiyan.
Li gorî vê yekê: Heta niha di sala 2018'an de li Tirkiye çend kes xistine karê ÎŞKUR'ê. Li gorî bajaran stendina kar çiqas e? Di sala 2018'an de li Mêrdînê İŞKUR'ê ji bo kar cih daye kadroyan. Çend kesan sêrlêdan kiriye û çend kes ketine kar? Li Mêrdînê ketina karê İŞKUR'ê li gorî kîjan rêbaz û pîvanan e. Tenê bi rêbaza kura ye an bi refarans û nasan e. Tê diyar kirin ku kesên İŞKUR wan dixe kar li gorî lîsteya rêxistina AKP'ê ya bajar û navçeyan tên stendin. Dîsa şertê endamtiya AKP’ê dispêrin welatiyan. Ev çiqas rast e. Ger ku rast be sedema wê çiye?"