* Li navçeya Çirmik ya Meletiyê, Grup Kalker Ocagi li nav qadên jiyanê Tesîsa Şikandin-Seridan û Betona Hazir çêdike. Ji bo vê rapora ÇED'ê hat qebûlkirin. Gelê herêmê bertek nîşanî vê yekê da û gotin: "Em ê heta dawiyê bitêkoşin."

 

* Cenazeyên sala par ji Goristana Xerzanê hatin derxistin hîn jî radestî malbatan nehatine kirin. Malbatên cenazeyên xwe yên li ATK'ya Stenbolê xweston gotin: "Tenê em hestiyên zarokên xwe dixwazin."

 

* Li mezraya Serdalî ya girêdayî navçeya Sûrê welatî nikarin pêdiviyên xwe yên avê pêk bînin. Ji şêniyên gund Muhîttîn Altuntaş gotinên "cihek me av nebiriyê tune ye" yên qeyûmê Şaredariya Amedê rexne kir û wiha bertek nîşan da: "Ka we avê biribû her gundî. Em ne mirovin gelo?"

 

* Li Geverê, esnafên di dema qedexeyên derketina dervede kargehên wan hatin şewitandin, bêyî ku tazmînatê bigirin, bi zor û zehmetiyek mezin bi derfetên kêm ji nû de vekirin. Efnafên dikanên xwe vekirin, niha jî bi krîza aborî re rû bi rû ne.

 

* Di operasyona 9'ê cotmehê ya li dijî rojnameger û siyasetmedaran de 26 kes hatibûn girtin. Der barê 20 kesan de îdianame hat amdekirin. Yek ji van îdianameyan jî ya aktîvîsta TJA Pinar Işik e. Di îdianameya Işik de bi sûcdariyê hat tewanbarkirin re sûcê "di hundirê welat de krîtera talûkeyek nêz" jî lê hat barkirin û nêzî 20 sal ceza jê re hat xwestin. 

 

* Arîna biçûk a tevî dayika xwe Esma Yilmaz di girtîgehê de ye hindik maye bibe yek salî. Lê belê xwişk û birayên Arînê yên 8, 10 û 13 salî jî li derve bi hesreta dayika xwe ne. Bav Yilmaz, anî ziman ku piştî her hevdîtinê derûniya zarokan xirabtir dibe. 

 

* Li gundên girêdayî Silopiya û Basanê, bi hinceta "deyn nehatiye dayîn" av û ceryan hatin birîn. Ji ber vê yekê bi hezaran welatî bi rojane bê av in. Keyayê gundê Cêleke Ahmet Erdem, destnîşan kir ku deynê ceryana ku kesên mirine jî ji wan tê xwestin û got: "Em gund bifiroşin jî em ê nikaribin vî deynî bidin."

 

* Hevşaredarê Şaredariya Mezin a Mêrdînê û siyasetmedarê kurd Ahmet Turk bi Serokê Giştî Kemal Kiliçdaroglû re hevdîtin çêkiribû. Hevdîtina Turk û kiliçdaorglû di rojeva HDP'ê de ye jî. HDP, bi endazeyî nêzî vê hevdîtinê dibe û îşaret dike ku di warê siyasetê de ev tiştekî asasî ye. 

 

 * Danişîna doza Hevserokê Giştî yê Berê yê HDP'ê Selahattin Demirtaş dê li 47'emîn Dadgeha Asliye Ceza ya Stenbolê bê dîtin. (10.00) 

 

* Tevgera Jinên Azad (TJA), bi armanca balê bikişînin ser çalakiya Hevseroka KCD'ê Leyla Guven a ji bo tecrîdkirina Rêberê PKK'ê Abdullah Ocalan şermezar bike li Girtîgeha Tîpa E ya Amedê ketiye greva birçîbûnê, dê li avahiya HDP'ê ya Amedê civîna çapemeniyê pêk bînin. (12.00)

 

* Şaxa SES'ê ya Îzmirê dê biryara nedayîna xwarînê ya xwendekarên stajer li ber Raleks Kafe ya Nexweşxaneya Lêkolîn û Perwerdehiyê daxuyaniyê bidin çapemeniyê. (12:30)

 

* Şaxa SES'ê ya Stenbolê bi armanc pêşnûmeya tenduristiyê şermezar bike dê li Odeya Tabîban a Stenbolê daxuyaniyê bidin çapemeniyê. (12.30) 

 

* Komisyona Butçeyê û Plana Meclîsê dê li Wezareta Karên derve butçeyê niqaş bikin. 

 

* Doza Musa Anter û JÎTEM'ê dê li 6’emîn Dadgeha Cezayên Giran a Enqereyê bê dîtin. (9.30)

 

* Hevserokê Giştî yê HDP'ê Sezaî Temelî, dê li Navenda  Giştî ya HDP'ê di civîna hevserokên bajaren de nirxandinê bike. (10.00)

 

* Malbata Girtî Ersîn Urkek ê li Girtîgehê rastî binpêkirina mafan hat dê li Şaxa ÎHD'ê ya Enqereyê civîna çapemeniyê pêk bîne. (12.00)