ÎZMÎR - Hat îdîakirin ku li Girtîgeha Tîpa T a Manîsayê, gardiyan ji 6’ê Mijdarê ve her serê sibê êrîşî girtiyên hejmara li ser piyan qebûl nakin, dikin.  

 

Hat diyar kirin ku êrîşên li ser 13 girtiyên siyasî yên di qawîşa C-16 a Girtîgeha Tîpa T a Manîsayê dimînin, bênavber berdewam dikin. Hat destnîşan kir  ku gartiyan ji 6’ê Mijdarê ve her serê sibê êrîşî girtiyên hejmara li ser piayan qebûl nakin dikin. Girtiyên ku her roj rastî êrîşan tên, bi riya malbatên xwe îşkenceya li wan tê kirin, ji raya giştî re ragihandin. 

 

‘BI QIRIKA HEVALÊ ME GIRTIN Û XWESTIN BIFETISÎN IN’

 

Bav Abdullah Aydemîr ê di telefonê de bi kurên xwe re hevdîtin kir, wiha got: “Îro zarokên min bi telefonê li min geriyan û ji min re ev tişt gotin ‘Her roj bênavber êrîşî me dikin. Me derp dikin. Hîn serê vê sibê jî hatin û hejmar dayîna ser piyan ferzî me kirin. Gardiyenên ketin hûndirê qawîşa me, di destên wan de cop û mertal hebûn. Ji ber ku em ne rabûn ser piyan bi copan li me xistin. Di vê navberê de gardiyenekê bi qirika hevalê me re girt û xwest wî bifetisîne. Êdî hevalê me nedikarî nefes bigire. Me bi zorê hevalê xwe ji destê wî xelas kir. Gelek nemabû ku hevalê me bifetisînin. Ligel ku gardiyenan dizanîbû serê hevalê me Zahir Arslan birîne û kêlî di serî wî de hene jî, bi zanebûn serê wî li dîwar xistin û carek din ji ser hişê xwe çû. Diviyabû hevalê me Zahir bibin nexweşxanê, lê qet nebirin. Me jî li dijî vê êrîşî dirûşme berz kirin. Çawan ku me dirûşme berz kirin, bi awayekê keyfî dîsan êrîşî me kirin. Li girtîgehê gardiyen, girtiyên edlî li dijî me sor dikin. Ji ber vê girtiyên edlî qedehên şûşe diavêjin me. Bila hemû kes îşkeceya li me tê kirin bibihîsin û bêdeng nemînin.’”