MELETÎ – Li Goristana Bajar 171 û li Saziya Tipa Edlî ya Meletiyê jî 10 bi giştî 181 cenaze yên nasnameya wan hêj nehatine diyar kirin tên rawestandin.
Li Saziya Tipa Edlî û Goristana Bajar a Meletiyê bi giştî 181 cenaze ji ber nasnameya wan nehatine diyar kirin tên rawestandin û malbat nikarin teşhîs bikin. Kesên ku Li Goristana Bajar 171 û li Saziya Tipa Edli jî 10 bi giştî 181 cenaze ji ber bedenên wan perçe bûne û malbat nikarin perçe bikin, malbat nikarin wan nas bikin û nikarin wan bibin. Malbatên ku ji bo testa DNA serî li Saziya Tipa Edlî (ATK) dane, hêj tu bersîv negirtine. Li morgê hêj 10 cenaze ji ber perçe bûne malbat nikare nas bike û tên rawestandin. 71 cenazeyên ku malbat ji bo teşhîs bikin mînaka xwînê dabûn, li Goristana Asrî ya Bajar û 100 cenaze ku hêj nasnameya wan nehatiye diyar kirin jî li goristana bêkesan tên rawestandin. Hat diyar kirin ku 181 cenaze ji herêmên Dersim, Çewlîk, Meletî, Sêwas, Xerpêt, Mûş, Semsûr û Mereşê anîne Meletiyê.
Ji ber ku gelek cenaze di encama bombebarana balafirên şer û SÎHA perçe bûne malbat nikare wan nas bike. Hat zanîn ku hin malbatan ji ber nîşanên li ser betena wan ên zarokantiyê zarokên xwe nas kirine, lê ji ber testa DNA hêj zelal nebûye nikarin cenazeyên zarokên xwe birin. Malbatên ku testa DNA diyar bû û xwestin cenazeyên zarokên xwe bibin jî ji ber ku rayedaran maşîna cenaze nedan wan, malbatan bi derfetên xwe cenazeyên zarokên xwe birin.
Li gorî agahiyan di sala 2018'an de 522 cenaze teslîmî malbatan hatiye kirin.