AMED – Parêzer Cemîle Turhali Balsak diyar kir ku nedayîna biryara berdana derbarê Leyla Guven de nêzîkatiya nîşaneya hiqûqê ya li dijî siyaseta kurd e û got: “Tiştên diqewime serdestî hiqûqê ye. Ji bo Leyla Guven girtî bê hiştin vê biryarê dan.”
Hevseroka Kongreya Civaka Demorkatîk (KCD) û Parlamentera Partiya Demokratîk a Gelan (HDP) a Colemêrgê Leyla Guven a girtî li gel bû parlamenter jî nayê berdan. Guven hefteyek berê di danîşina xwe de diyar kir ku ji bo ew tecrîdkirina Rêberê PKK’ê Abdullah Ocalan şermezar bike destbi greva birçîbûnê ya bêdem û bêdorveger dike. Guven got ji ber dadgeh adilene tevnagere ew ê ji niha şûn ve di dadgehkirinê de parastina xwe neke.
‘DADGEHEK KU DU BIRYARAN DIDE’
Ji parêzerên Guven Cemile Turhallı Balsak pêvajoya darizandinê û çalakiya greva birçîbûnê ya muwekîla xwe nirxand. Balsak diyar kir ku darizandina Guven dişîbe darizandina siyasetmedarên kurd ên di 3 salên dawî de û got: “Em bi darazek ku dadgehek du biryarên cuda dide re hevrû ne. Biryara dadgehê bi atmosfera siyasî ve girêdayî ne. Mirova nikare pêvajoya darizandinê bi hiqûqê rave bike. Dadgehek bi nakokî. Di darizandina ceza de mînakek nehatiye qewimîn pêk hat.”
‘SERDESTÊN HIQÛQÊ NAHÊLIN BÊ BERDAN’
Balsak biryara dadgeha bilnd a ji bo Parlamenterê CHP’ê Enîs Berberoglu jî bibîr xist û got biryara ji bo Berberoglu ji bo Guven jî derbasdar e û wiha pêde çû: “Her çiqas me biryara Berberoglu mînak nîşan da û serî li dadgehê da jî lê dadgeh wek ku ev biryar tune be tevdigere. Me mazbata Guven nîşan da lê dadgeh mazbatayê ji nedîtî ve hat. Heke Guven nebûya wekîl dê cezayê wê bihata teqezkirin. Dadgehên herêmî ne li ser navê hiqûqê, em dibînin ku di bin zextan de ye. Tiştên diqewimin rewşek ku ji hiqûqê re serdestiyê dike. Ji bo Leyla Guven girtî bê hiştin vê biryarê dan.”
LÊFERZKIRINA KELEPÇEYÊ
Balsak anî ziman ku lêferzkirina kelepçeya berevajî ya ji bo Leyla Guven bînin dadgehê wek biryarek atmosfera siyasî nirxand û got “Leyla Guven kelepçeyê qebûl nekir. Diyar kir ku ew wekîle, destnedayîna wê heye û hêj destnedayîna wê ranekirine. Vê yekê wek mudaxeleya li dijî vîna gel a wê hilbijartiye da nirxandin. Ji ber vê yekê beşdarî danişînê nebû.”
‘LI DIJÎ TECRÎDÊ SEKNA XWE NÎŞAN DIDE’
Balsak bal kişand ser biryara çalakiya greva birçîbûnê ya bêdem û dorveger a Leyla Guven ku li dijî tecrîdkirina Rêberê PKK’ê Abdullah Ocalan da destpêkirin û wiha got: “Diyar kir ku tecrîd nayê qebûlkirin û dest bi greva birçîbûnê kir. Leyla Guven dema ne girtîbû jî li derve her tim li dijî tecrîdê berteka xwe dianî ziman. Niha li hepsê vê îradeyê dîsa dide nîşandan. Biryarek dê bedelê bide da. Leyla Guven îro ji ber ramanên xwe girtî ye. Ew derbasî pêşiya ramanên xwe bû.”
MA / Mehmet Şah Oruç - Ozgur Paksoy