Koçerên li navçeya Silopiya û Hezexê yên Şirnexê ji bo çêrandina heywanên xwe çûn zozanan, bi hatina zivistanê re vedigerin. Koçerên ji havînê ve çûn Zozana feraşînê ya li sêgoşeya Şirnex, Colemêrg û Wanê ye, piştî rêyeke 4 rojan hatin Bêşebabê. Koçer di rêyên bi qeraç de bi rojan dimeşin. 

 

Koçer Tahir Işik, diyar kir ku ji meha Gulanê ve ew çûne Zozana Feraşînê. Işik, destnîşan kir ku 15 sal in ew di heman rêyê de diçin û tên û ji ber ew li Zozana Feraşînê sewalvaniyê dikin kêfxweş in. Işik ku ji bo Zozana Feraşînê dibêje "Li cîhanê cihê herî xweş", diyar kir ku ji ber operasyonên leşkerî ew carinan bi zor û zehmtiyan re rû bi rû dimînin. Işik, anî ziman ku şert û merc çi dibin bila bibin ew ê sala bê jî biçin zozanan. 

 

Nûrettîn Işikê 56 salî ku ji zarokatiya xwe ve koçertiyê dike, anî ziman ku ew bi berên heywanan debara xwe dikin. Işik, diyar kir ku ew ê biçin deştên li hêla Silopiyayê û ji ber ew koçertiyê dikin ew kêfxweş in.