Koma Banga Demokrasiyê têkildarî “Hevdîtinên Demokrasiya Herêmî” ku dê di demek nêz de bê organîzekirin civîna çapemeniyê li dar xist. Civîn li Otela Hîll a Taksîmê pêk hat. Parlamenterên HDP’ê Saruhan Oluç, Alî Kenanoglu, Parlamenterê CHP’ê Sezgîn Tanrikulu, Hevberdevkê Partiya Siberoja Çep û Kesk Nacî Sonmez, dîrokzan û nivîskar Erdogan Aydin, Prof. Dr. Ayşe Erzan, Dayikê Aştiyê, Polatforma Komeleyên Rojhilat-Başûrrojhilat (DGP), saziyên elewiyan û gelek kes beşdarî civînê bûn. 

 

Li salona civînê pankarta “Bi hev re, ji bo hêvî li herêma bê avakirin” hat daliqandin. 

 

Daxuyaniyê Prof. Gencay Gursoy da. 

 

‘DIVÊ EM ÎNISIYATÎFÊN HERÊMÎ BIXIN TEVGERÊ’ 

 

Gursoy der barê îmzevanên Koma Banga Demokrasiyê agahî da û wan bi armanca ji bo înisiyatîfên herêmî ji bo hilbijartina herêmî birayran bidin hatine gel hev. Gursoy got ji hilbijartina giştî vir ve di warê muxalefetê de ji bo li zemînek guncav hevkariyê bikin nîqaş tên kirin û ev yek heta niha bi sedemên cûr bi cûr pêk nehatiye û lê encax li herêman dem bi dem hevkarî pêk hatiye. Gursoy anî ziman ku ew li dijî vê rewşa xedar a siyasî neçarin însiyatîfên gel bixin tevgerê û wek din jî çareya wan nîne. 

 

Gursoy da zanîn ku ew di pêvajoyek ku her kes di bin zextan de ye dest bi xebatek wiha dikin û got: “Em di pêvajoyek wiha hov de vê xebatê dikin. Ji bo vê yekê pêdivî bi hevrebûnekê heye.” 

 

‘HILBIJARTINA HERÊMÎ RAWESTGEHA EWIL E’ 

 

Pişt re endama Koma Banga Demokrasiyê Çîgdem Kiliç Uçar jî metna hatibû amdekirin xwend. Uçar bi gotinên “Em niha li herêmî hevdîtin û di demokrasiyê de hevpar dibin” dest bi xwendinê kir û got: “Ev banga me ji bo wan kesê ku baweriya xwe em ê rewşa xerab a welat biguherînin! Banga me ji bo kesên edaletê dixwazin, baweriya bi piştevaniyê, dilpakiyê, yên li dijî dejenerebûnê û polîtîkaya riziyayî ne. Ji bo hemû mexdûrên aboriyê ne. Ji bo hemû bindestan e. Rawestgeha meşa me ya azadî û demokrasiyê ya nefesa ewil dê ji hilbijartina herêmî dest pê bike. Em ê li dijî desthilatdariya qesrê ya li ser rêveberiyên herêmî her rêyê biceribînin.” 

 

‘NIHA DEM DEMA DEMORKASIYÊ YE’ 

 

Uçar da zanîn ku dem dema her kes berê xwe bide herêman û got: “Ji bo azadî û demokrasiyê ev gava ewil e. Niha jî dem dema demokrasiyê ye. Em ji bo vîna gel ku neyê binpêkirin, qeyûm neyên tayînkirin, hilbijartinek bêzext û ji bo rêveberiyên herêmî yên demokratîk bên ba hev. Em bi hêz û baweriya xwe ya demokrasî û azadiyê li dijî her cûre zextan derkevin. Li dijî rejîma yek zilamî û dikaribin mafê muxalefeta demokratîk bikar bînin pêwîste têkoşîn bê mezinkirin. Em hemû bi hev re modelên rêveberiyên herêmî bigirin dest.” 

 

‘EM BANGA HEYÎNA DI HER WARÎ DE DIKIN’ 

 

Uçar destnîşan kir ku ew bi bawerin hemû Komên Banga Demokrasiyê dê li herêman hêza çareseriyê gavên herî baş biavêjin û got: “Em bang dikin ku di her warî de hebin. Em dixwazin hêviya bi hev re bûnê li herêman bê avakirin.” 

 

LI STENBOL Û ÎZMÎRÊ HAT AVAKIRIN 

 

Uçar anî ziman ku ji îro pê ve Komên Banga Demokrasiyê li Stenbol û Îzmîrê hatin avakirin û ew ê ji niha şûn ve li 24 bajarên din jî xebatek di vî warî de birêve bibin û armanca wan ew e heta 15’ê kanûnê xebatên wan temam bibin. 

 

‘EM SIBEROJÊ RONÎ BIKIN’ 

 

Dîrokzan û nivîskar Erdogan Aydin jî destnîşan kir ku ew berpirsyariya wan a ku dê pêvajoyê berevajî serdema tarî bikin heye û heke ev sekna bi hev re bûnê ya ji bo demokrasiyê siberojê ronî bike. 

 

DAŞ: BI HEV RE BÛN DÊ SERKEFTINÊ BÎNE 

 

Srokê Polatforma Komeleyên Rojhilat-Başûrrojhilat (DGP) Abdulhakîm Daş jî diyar kir ku tişta wan daniye pêşiya xwe ya herî girîng di warê çareseriya pirsgirêka kurd û pêşve birina demokrasiyê ye û xebata bi hev re dê serkeftinê bi xwe re bîne. 

 

ENGÎN: DIVÊ PIŞTÎ 31’Ê ADARÊ JÎ BIDOME 

 

Rojnameger Aydin Engîn jî got divê ev hewldan ango Banga Demokrasiyê piştî hilbijartina 31’ê adarê jî xebatên xwe bêwestan û bênavber birêve bibe. 

 

NAS: LI KÊLEKA HEV GIRÎNG E 

 

Endama Koma Diyalogê Nesrîn Nas jî got li kêleka hev xebat kirin tişta herî girîng e û divê di 31’ê adarê de ji bo demokrasiyê dem dema li hev bûnê ye û li nokteyek desthilatdariyê paş ve bibe rawestin. 

 

TANRIKULU: JI BO DÎWAR HILWEŞANDINÊ PÊDIVÎ BI HEV RE BÛNÊ HEYE 

 

Parlamenterê CHP’ê Sezgîn Tanrikulu jî anî ziman ku ji bo dîwarê zext û zilmê bê hilweşandin dem dema bi hev re bûnê ye û pêdiviya herî mezin jî li hev bûn e. 

 

OLUÇ: 31’Ê ADARÊ ROJA HESAB PIRSÎNÊ YE 

 

Berdevkê HDP’ê Saruhan Oluç jî da zanîn ku demokrasiya herêmî dergûşa demokrasiyê ye û ji ber vê yekê ew wek partî jî girîngiyê didin rêveberiyên herêmî. Oluç got di 31’ê adarê de dê hesabê ji nelirêtî û neheqiya qeyûman bipirsin. 

 

Civîn bi peyam û ramanên beşdarvanên din bi dawî bû.