DÎLOK - Husna Toraman, xwest kurê wê Saît Toraman ê li taxa Beybahçe ya Şahînbey a Dîlokê di êrîşa DAÎŞ'ê de piyê xwe winda kir û girtî tê darizandin, serbest bê berdan. 

 

Li taxa Beybahçe ya navçeya Şahînbeya Dîlokê di 20’ê Tebaxa 2016’an de DAIŞ’ê li dijî dawetek malbata Kurd êrîya xwekujiyê pêk anîbû. Di êrîşê de gelek jê zarok 56 kesan jiyana xwe ji dest dabûn. Bersûca êrîşê ya DAIŞ’ê Fadîle Cabael bi hinceta pirsgirêkên tenduristiyê hatibû berdan. Parêzerên malbatan ên dozê dişopînin îtîrazî berdana bersûc kiribûn. Lê dadgehê îtîraza berdanan Cabael red kiribû. Di êrişe de Husna Toraman kurê xwe Osman û Alî winda kiribûn. Kurê Husna Toraman, Saît Toraman jî girtî tê darizandin. 2 sal derbas bûn, lê hêj der barê kujer û berpirsiyaran de tu gav nehatiye avêtin. 

 

2 KURÊ WÊ JIYANA XWE JI DEST DAN Û KUREKÎ WÊ HAT GIRTIN

 

Di êrîşa DAIŞ'ê de 2 kurê Husna Toraman jiyana xwe ji dest dan û kurê Toraman Sait Toraman jî bi îdîaya "propaganda rêxistinê kiriye" hat girtin. Husna Toraman, diyar kir ku tevî kurê wê ji piyê xwe birîndar bû jî 3 sal cezayê girtîgehê lê birîn û 2 salin girtî ye. Toraman, anî ziman ku kurê wê piştî 5 mehan girtî ma hat berdan, lê piştî cezayê kurê wê hat erêkirin dîsa hat girtin û 8 mehin li Girtîgeha tîpa L a Dîlokê ye. Toraman, da zanîn ku kurê wê ji sedî 40 astendarê zihnî û ji sedî 25 jî astengdarê bedenê ye û nikare di şertû mercê girtîgehê de bimîne. Toraman xwest kurê  wê serbest bê berdan.